ન્યુઝ કન્ટિન્યુઝ બ્યુરો
મુંબઈ, 27 ડિસેમ્બર 2021
સોમવાર
પુસ્તકોના શોખીન માટે BMCએ મુંબઈની પહેલી ઈ-લાઈબ્રેરી બોરીવલીમાં શરૂ કરી છે. લગભગ સાતથી આઠ હજાર પુસ્તકો, કોમ્પ્યુટર રૂમ, વાંચવા માટે જગ્યા સહિતની અનેક સુવિધા આ ઈ-લાઈબ્રેરીમાં ઉપલબ્ધ છે. આ ઈ-લાઈબ્રેરીની સુવિધા તદ્દન મફતમાં છે.
બોરીવલી(વેસ્ટ)માં એલઆઈસી કોલોનીમા સિલિકોન બિલ્ડિંગ પાસે લાઈબ્રેરી બનાવવામાં આવી છે. સ્થાનિક નગરસેવિકા તેજસ્વિની ધોસાળકરના પ્રયાસથી લગભગ પાંચ હજાર ફૂટ જગ્યામાં આ લાઈબ્રેરી ઊભી કરવામાં આવી છે. આ લાઈબ્રેરી સંપૂર્ણ એરકંડિશન્ડ છે. તાજેતરમાં તેનું ઉદ્ઘઘાટન કરવામાં આવ્યું હતું.
પ્લાસ્ટિકની થેલી વાપરો છો? તો ચેતી જજો, પ્લાસ્ટિકની થેલી સામેની BMCની ઍક્શન ફરી શરૂ; જાણો વિગત
લાઈબ્રેરીમાં એકી વખતમાં 60 વિદ્યાર્થીઓ અહીં અભ્યાસ કરી શકશે. એ સિવાય 9 કમ્પયુટર ધરાવતી સ્વતંત્ર ઈ-લાઈબ્રેરી બાંધવામાં આવી છે. લાઈબ્રેરીમાં વિવિધ શૈક્ષણિક પુસ્તકો, જનરલ નોલેજ, જુદી જુદી ગર્વમેન્ટની પરીક્ષાના અભ્યાક્રમના પુસ્તકો, જનરલ નોલેજ, ટૅક્નોલોજી સહિના લગભગ 8,000 પુસ્તકો અહીં છે.
