બીએમસી એક્શન મોડમાં, પ્રોપર્ટી ટેક્સ વસૂલ કરવા ગાડી જપ્ત કરી. જાણો વિગત.

ન્યૂઝ કંટીન્યુઝ બ્યૂરો

મુંબઈ

15 માર્ચ 2021

મુંબઈ મહાનગરપાલિકાએ પોતાના પ્રોપર્ટી ટેક્સ નો ટાર્ગેટ પૂરો કરવા કડક પગલા લેવાની શરૂઆત કરી છે. જે મુજબ મહાનગરપાલિકાના એડિશનલ કમિશનર એ મોટું અભિયાન હાથ ધર્યું છે. આ અભિયાન હેઠળ પ્રથમ તબક્કામાં એ લોકોને ટાર્ગેટ કરવામાં આવી રહ્યા છે જેમનો પ્રોપર્ટી ટેક્સ નો આંકડો મોટો છે.

હાલમાં જ મુંબઈના વિલેપાર્લે વિસ્તારમાં આવેલી એક પ્રોપર્ટી નો 40 લાખ રૂપિયા જેટલો વેરો બાકી હતો. આ વેરો બિલ્ડર દ્વારા ન ચૂકવાતા, મહાનગરપાલિકાએ બિલ્ડરની બી એમ ડબલ્યુ ગાડી જપ્ત કરી નાખી. પરિણામ સ્વરૂપ બિલ્ડરે 20 લાખ જેટલા રૂપિયા ભરી દીધા અને પોતાની ગાડી છોડાવી. 

આવનાર દિવસોમાં મુંબઈ મહાનગર પાલિકા એ તમામ લોકો ને નોટિસ પાઠવશે જેમનો પ્રોપર્ટી ટેક્સ બાકી છે..