News Continuous Bureau | Mumbai
Mexico વિશ્વમાં એકવાર ફરી ટેરિફ વૉરથતી જોવા મળી રહી છે. અમેરિકા પછી હવે મેક્સિકોએ પણ મોટો નિર્ણય લીધો છે. મેક્સિકોની સેનેટે ચીન સહિત ઘણા એશિયન દેશોમાંથી આવતા સામાન પર ૫૦% સુધીનો ઊંચો ટેરિફ લગાવવાના પ્રસ્તાવને મંજૂરી આપી દીધી છે. આ નવા ટેરિફ ૨૦૨૬ થી લાગુ થશે. આનાથી ખાસ કરીને એવા દેશોને મોટો ફટકો પડશે જેમનો મેક્સિકો સાથે કોઈ વેપાર સમજૂતી નથી.
હાઈ ટેરિફની વિગતો અને અસર
મેક્સિકો દ્વારા વધારવામાં આવેલો આ ટેરિફ આવતા વર્ષથી લાગુ થશે. તેના આ નિર્ણયથી સૌથી વધુ અસરગ્રસ્ત થનારા દેશોમાં ચીન, ભારત, દક્ષિણ કોરિયા, થાઇલેન્ડ અને ઇન્ડોનેશિયા મુખ્ય છે.આ તમામ દેશોમાંથી આવતા ઓટો પાર્ટ્સ, ટેક્સટાઇલ, સ્ટીલ સહિત અન્ય સામાન પર મેક્સિકો ૫૦% સુધીનો ટેરિફ વસૂલશે.અન્ય ઘણા સામાન પર ટેરિફ વધારીને ૩૫% સુધી કરવામાં આવ્યો છે.આ ટેરિફ વધારતા બિલના પક્ષમાં મેક્સિકોની સેનેટમાં ૭૬ મત પડ્યા હતા.
મેક્સિકોએ આ પગલું કેમ ભર્યું?
મેક્સિકોએ આ ટેરિફ વધારવાનું પગલું પોતાના સ્થાનિક ઉદ્યોગોને પ્રોત્સાહન આપવાના ઉદ્દેશ્યથી ઉઠાવ્યું છે. જોકે, વેપાર જૂથોએ આ ટેરિફ વધારાનો સખત વિરોધ કર્યો છે.વિશ્લેષકો અને પ્રાઇવેટ સેક્ટરે દલીલ કરી છે કે આ નિર્ણય વાસ્તવમાં સંયુક્ત રાજ્ય અમેરિકાને ખુશ કરવા અને આગામી વર્ષે $૩.૭૬ અબજની વધારાની આવક ઊભી કરવા માટે લેવામાં આવ્યો છે, કારણ કે મેક્સિકો તેની રાજકોષીય ખાધને દૂર કરવાનો પ્રયાસ કરી રહ્યું છે. આ સંશોધિત બિલમાં લગભગ ૧,૪૦૦ આયાતી સામાન પર શુલ્ક લગાવવાનો સમાવેશ થાય છે.
આ સમાચાર પણ વાંચો : Eknath Shinde: મુંબઈના મેયર કોણ? મહાયુતિમાં ખટપટની વાતો વચ્ચે CM એકનાથ શિંદેએ જવાબ આપીને બધાને ચોંકાવી દીધા!
ભારત-મેક્સિકો વચ્ચેનો વેપાર
છેલ્લા કેટલાક વર્ષોમાં ભારત અને મેક્સિકો વચ્ચેના વેપારમાં વધારો નોંધાયો છે, જેમાં ૨૦૨૪ માં વેપારનો આંકડો $ ૧૧.૭ અબજ સાથે સર્વોચ્ચ સપાટીએ (ઓલ ટાઇમ હાઇ) પહોંચ્યો હતો. જોકે, ૨૦૨૨ માં આ આંકડો ૧૧.૪ અબજ અને ૨૦૨૩માં ૧૦.૬ અબજ હતો. નોંધનીય છે કે ભારતનો મેક્સિકો સાથેનો ટ્રેડ સરપ્લસ (નિકાસ વધારે) ઘણો ઊંચો છે; ૨૦૨૪ માં ભારતની નિકાસ લગભગ ૮.૯અબજ હતી,જ્યારે આયાત માત્ર ૨.૮ અબજ હતી. મેક્સિકો દ્વારા લાદવામાં આવેલો આ હાઈ ટેરિફ ભારતના આ મોટા નિકાસ આધારિત વેપારને ગંભીર અસર કરી શકે છે.
