News Continuous Bureau | Mumbai
India Forex Reserves : દેશના વિદેશી હૂંડિયામણ ભંડારમાં ફરી એકવાર વધારો થયો છે. છેલ્લા ગત સપ્તાહના ઘટાડા બાદ, 28 જૂનના રોજ પૂરા થયેલા સપ્તાહમાં વિદેશી મુદ્રા ભંડાર $0.81 બિલિયન વધીને $653.71 બિલિયન પર પહોંચી ગયું છે.
વિદેશી મુદ્રા ભંડાર 653.711 અબજ ડોલર પર પહોંચી ગયો
28 જૂન, 2024 ના રોજ વિદેશી મુદ્રા ભંડારનો ડેટા જાહેર કરતી વખતે, આરબીઆઈએ જણાવ્યું હતું કે 816 મિલિયન ડોલરના વધારા સાથે, વિદેશી મુદ્રા ભંડાર 653.711 અબજ ડોલર પર પહોંચી ગયો છે. જોકે, આ સમયગાળા દરમિયાન વિદેશી ચલણની સંપત્તિમાં ઘટાડો જોવા મળ્યો છે. 106 મિલિયન ડોલરના ઘટાડા સાથે તે ઘટીને 574.134 અબજ ડોલર પર આવી ગયો છે.
સોનાના ભંડારમાં વધારો
એટલું જ નહીં આ સમયગાળા દરમિયાન આરબીઆઈના સોનાના ભંડારમાં વધારો થયો છે. RBIનો ગોલ્ડ રિઝર્વ $988 મિલિયન વધીને $56.95 બિલિયન થયો છે. SDR $57 મિલિયન ઘટીને $18.04 બિલિયન થયું છે અને ઇન્ટરનેશનલ મોનેટરી ફંડમાં જમા કરાયેલી અનામત $9 મિલિયન ઘટીને $4.572 બિલિયન થઈ છે.
આ સમાચાર પણ વાંચો : Petrol Diesel Price: મહારાષ્ટ્ર સરકારે સામાન્ય લોકોને આપી મોટી ભેટ! પેટ્રોલ ડીઝલના ભાવમાં થયો ઘટાડો; જાણો નવા ભાવ..
ફોરેન એક્સચેન્જ રિઝર્વ $650 બિલિયનથી ઉપર છે અને તાજેતરમાં જ રિઝર્વ બેંક ઓફ ઈન્ડિયાના ગવર્નર શક્તિકાંત દાસે કહ્યું હતું કે આરબીઆઈ તેના રિઝર્વમાં વધારો કરવાનું ચાલુ રાખશે જેથી કરીને તે ભવિષ્યમાં કોઈપણ ગરબડ અથવા કટોકટીનો ઉપયોગ કરી શકે. મહત્વનું છે કે વિદેશી મુદ્રા ભંડારમાં ફેરફાર જોવા મળે છે જ્યારે આરબીઆઈ સ્થાનિક ચલણને નિયંત્રિત કરવા અથવા ડોલર સામે ચલણના ઘટાડાને રોકવા માટે દરમિયાનગીરી કરે છે.
ડોલર સામે રૂપિયો મજબૂત થયો
શુક્રવારે કરન્સી માર્કેટમાં ડોલર સામે રૂપિયો મજબૂત થયો હતો. રૂપિયો 9 પૈસા મજબૂત થયો છે અને એક ડોલર સામે 83.38 ના સ્તરે બંધ થયો છે, જે ગયા સત્રમાં રૂ. 83.47 ના સ્તરે બંધ થયો હતો.
