હિંડનબર્ગ રિપોર્ટ બહાર આવ્યા બાદ અદાણી ગ્રૂપના શેર્સમાં ઘણો ઉતાર-ચઢાવ જોવા મળ્યો છે. દરમિયાન અદાણી ગ્રુપના રોકાણકારો માટે સારા સમાચાર આવ્યા છે. દેશના સ્ટોક એક્સચેન્જ NSE દ્વારા અદાણીના ત્રણ શેરોને શોર્ટ ટર્મ એડિશનલ સર્વેલન્સ મેજર (ASM)માંથી દૂર કરવામાં આવ્યા છે. સરળ શબ્દોમાં કહીએ તો, હિંડનબર્ગ આવ્યા પછી, આ ત્રણેય કંપનીઓ પર થોડા સમય માટે જે વોચ રાખવામાં આવી રહી હતી તે હટાવી દેવામાં આવી છે.
આ આજથી એટલે કે 17 માર્ચ, 2023થી જ લાગુ થશે. ગુરુવારે જારી કરાયેલા એક પરિપત્રમાં કહેવામાં આવ્યું છે કે, ASM ફ્રેમવર્કમાંથી 10 શેરોને બાકાત રાખવામાં આવશે, જેમાં અદાણી ગ્રુપના આ ત્રણ શેરોનો સમાવેશ થાય છે.
કયા સ્ટોકને મોનિટરિંગમાંથી દૂર કરવામાં આવશે
નેશનલ સ્ટોક એક્સચેન્જે તેના પરિપત્રમાં માહિતી આપી હતી કે અદાણી એન્ટરપ્રાઈઝ, અદાણી પાવર, અદાણી વિલ્મરને ટૂંકા ગાળાના સર્વેલન્સમાંથી દૂર કરવામાં આવી રહ્યા છે. આ સિવાય કિરી ઇન્ડસ્ટ્રીઝ, ટાટા ટેલિસર્વિસિસ, યુનિઇન્ફો ટેલિકોમ સર્વિસ, ડીબી રિયલ્ટી, પેન્નર ઇન્ડસ્ટ્રીઝ, ફોકસ લાઇટિંગ એન્ડ ફિક્સર અને ગીક વાયરનો સમાવેશ થાય છે.
આ સમાચાર પણ વાંચો : સાવચેત રહેજો.. દેશમાં ફરી વધી રહ્યો છે કોરોના, 4 મહિના બાદ એક જ દિવસમાં 700 કોરોના દર્દીઓ; મહારાષ્ટ્ર સહિત આ 6 રાજ્યોને આરોગ્ય સચિવે લખ્યો પત્ર..
સર્વેલન્સમાંથી હટાવ્યા બાદ કંપનીઓના બિઝનેસ પર લાદવામાં આવેલા નિયંત્રણો હળવા કરવામાં આવશે. તેમજ ઉચ્ચ માર્જિનની જરૂરિયાત વગેરે પરના નિયંત્રણો દૂર કરવામાં આવશે. NSE અનુસાર, માર્જિનનો લાગુ દર 50 ટકા અથવા વર્તમાન માર્જિન બેમાંથી જે પણ ઓપન પોઝિશન પર વધારે હોય અથવા નવી પોઝિશન્સ પર 100 ટકા હોય તેને સીમિત કરવામાં આવશે.
આ યાદીમાં સ્ટોક્સ શા માટે સામેલ કરવામાં આવ્યા હતા
હિંડનબર્ગના રિપોર્ટ બાદ અદાણી ગ્રુપના શેરમાં ભારે ઘટાડો જોવા મળ્યો હતો. આ પછી, અદાણી એન્ટરપ્રાઇઝિસ સિવાય, અદાણીના અન્ય બે શેરો અદાણી પાવર અને અદાણી વિલ્મરને ટૂંકા ગાળાના સર્વેલન્સ હેઠળ મૂકવામાં આવ્યા હતા.
ગઈકાલે અદાણીના આ શેરો કેવા હતા
BSE પર અદાણી એન્ટરપ્રાઇઝિસનો શેર નજીવો વધીને રૂ. 1842.60 પર બંધ થયો હતો, જ્યારે અદાણી વિલ્મર 1.4 ટકા ઘટીને રૂ. 420.95 અને અદાણી પાવર 1.7 ટકા ઘટીને રૂ. 198.75 પર બંધ થયો હતો.
