News Continuous Bureau | Mumbai

Closing bell : નાણાકીય વર્ષ 2023-24માં ભારતીય શેરબજારનું છેલ્લું ટ્રેડિંગ સત્ર રોકાણકારો માટે લાભકારી સાબિત થયું છે. બેન્કિંગ એફએમસીજી શેરોમાં મજબૂત ખરીદીને કારણે, એક સમયે સેન્સેક્સમાં 1200 પોઇન્ટનો વધારો જોવા મળ્યો હતો જ્યારે નિફ્ટીમાં લગભગ 390 પોઇન્ટનો વધારો જોવા મળ્યો હતો. પરંતુ પ્રોફિટ બુકિંગના કારણે બજાર દિવસના ઊંચા સ્તરેથી નીચે આવ્યું હતું. આમ છતાં BSE સેન્સેક્સ 639.16 પોઇન્ટના ઉછાળા સાથે  73,635.48 પોઇન્ટ અને નેશનલ સ્ટોક 203 પોઇન્ટના ઉછાળા સાથે 22,326 પોઇન્ટ પર બંધ રહ્યો હતો. રૂપિયો 3 પૈસા નબળો પડ્યો અને 83.40/$ પર બંધ થયો.  

 સેકટરની સ્થિતિ

આજના કારોબારમાં બેન્કિંગ, ઓટો, ફાર્મા, એફએમસીજી, મેટલ્સ, રિયલ એસ્ટેટ, એનર્જી, ઈન્ફ્રા, કન્ઝ્યુમર ડ્યુરેબલ્સ, હેલ્થકેર અને ઓઈલ એન્ડ ગેસ સેક્ટરના શેરોમાં જોરદાર ઉછાળો જોવા મળ્યો છે. મીડિયા એકમાત્ર સેક્ટર છે જેના શેરોમાં ઘટાડો થયો છે. મિડકેપ અને સ્મોલકેપ શેરોમાં પણ ખરીદી જોવા મળી રહી છે. સેન્સેક્સના 30 શેરોમાંથી 26 શેર ઉછાળા સાથે બંધ થયા જ્યારે 4 નુકસાન સાથે બંધ થયા. નિફ્ટીના 50 શેરોમાંથી 42 શેરો ઉછાળા સાથે અને 8 નુકસાન સાથે બંધ થયા છે.

 રોકાણકારોની સંપત્તિમાં 3  વધારો

શેરબજારમાં મજબૂત ઉછાળાને કારણે રોકાણકારોની સંપત્તિમાં ભારે વધારો થયો છે. BSE પર લિસ્ટેડ શેરોનું માર્કેટ કેપિટલાઇઝેશન રૂ. 386.91 લાખ કરોડ સુધી પહોંચી ગયું છે, જે ગયા સત્રમાં રૂ. 383.85 લાખ કરોડ હતું. આજના વેપારમાં રોકાણકારોની સંપત્તિમાં રૂ. 3.06 લાખ કરોડનો ઉછાળો આવ્યો છે.

આ સમાચાર પણ વાંચો : Arvind Kejriwal : અરવિંદ કેજરીવાલને ન મળી રાહત, કોર્ટે EDના રિમાન્ડ આ તારીખ સુધી લંબાવ્યા..

 ટોપ ગેઈનર્સ અને ટોપ લુઝર્સ શેર

આજના ટ્રેડિંગમાં બજાજ ફાઇનાન્સ 3.91 ટકા, બજાજ ફિનસર્વ 3.09 ટકા, SBI 2.53 ટકા, મહિન્દ્રા એન્ડ મહિન્દ્રા 2.26 ટકા, પાવર ગ્રીડ 2.21 ટકા, ટાટા સ્ટીલ 2 ટકા અને લાર્સન 1.83 ટકાના વધારા સાથે બંધ થયા છે. જ્યારે એક્સિસ બેન્ક 0.50 ટકા, રિલાયન્સ 0.37 ટકા, ટેક મહિન્દ્રા 0.26 ટકા અને એચસીએલ ટેક 0.26 ટકાના ઘટાડા સાથે બંધ થયા છે.

(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)