News Continuous Bureau | Mumbai
Hyundai Motor India IPO: દેશની બીજી સૌથી મોટી કાર કંપની Hyundai Motor India Limitedનો IPO આજે મંગળવારના રોજ સ્ટોક એક્સચેન્જમાં લિસ્ટ થયો. હ્યુન્ડાઈના શેર (Hyndai India Share price )ની શેરબજારમાં ધીમી શરૂઆત થઈ છે. લિસ્ટિંગ બાદ તેના શેરમાં પણ ઘટાડો જોવા મળી રહ્યો છે. હ્યુન્ડાઈ મોટર્સના શેર ( Hyundai Motor India share) 1 ટકાના ડિસ્કાઉન્ટ સાથે બજારમાં લિસ્ટ થયા હતા. આ પેસેન્જર વ્હીકલ મેન્યુફેક્ચરિંગ કંપની BSE પર રૂ. 1,931 પર લિસ્ટેડ હતી, જે તેની રૂ. 1,960ની ઇશ્યૂ કિંમત કરતાં 1.48 ટકા ઓછી છે. એ જ રીતે, હ્યુન્ડાઈના શેર NSE પર રૂ. 1,934 પર લિસ્ટ થયા હતા, જે ઈશ્યૂ કિંમત કરતાં 1.33 ટકા ઓછા હતા.
Hyundai Motor India IPO:
દક્ષિણ કોરિયન કાર ઉત્પાદક કંપની ( Car company ) હ્યુન્ડાઈના ભારતીય એકમ હ્યુન્ડાઈ મોટર ઈન્ડિયા લિમિટેડના શેર મંગળવારે રૂ. 1,960ની ઓફર કિંમત સામે એક ટકાથી વધુના ઘટાડા સાથે બજારમાં લિસ્ટ થયા હતા. તેના પર એકંદરે 2 ગણા કરતાં વધુ બોલી લગાવવામાં આવી હતી પરંતુ તે મંગળવારે ઇશ્યૂ પ્રાઇસ (Rs 1,960) 1.33 ટકાના ડિસ્કાઉન્ટ સાથે રૂ. 1934 પ્રતિ શેર પર લિસ્ટ થયો હતો. અને બાદમાં વધુ ઘટ્યો હતો. આજે તે BSE પર Rs. 1,931 અને NSE પર Rs 1,934 પર લિસ્ટ થયો હતો.
આ સમાચાર પણ વાંચો : Share Market fall : શેરબજારમાં સતત ત્રીજા દિવસે કડાકો, સેન્સેક્સ 495 પોઈન્ટ તૂટ્યો; રોકાણકારોને થયું મોટું નુકસાન..
મહત્વનું છે કે આ IPO તેની સાઈઝ, વેલ્યુએશન અને GMPને લઈને ખૂબ ચર્ચામાં હતો. જો કે, સબસ્ક્રિપ્શનના સંદર્ભમાં તેને સારો પ્રતિસાદ મળ્યો નથી. ખાસ કરીને રિટેલ રોકાણકારોએ આ IPOથી અંતર રાખ્યું હતું.
Hyundai Motor India IPO: મોટા IPO રોકાણકારો ખાલી હાથે ગયા!
હ્યુન્ડાઈ મોટર ઈન્ડિયા લિમિટેડ ( Hyundai Motor India Limited ) ના IPO ને ગુરુવાર 17 ઓક્ટોબર 2024 સુધી 2.37 ગણું સબ્સ્ક્રિપ્શન મળ્યું છે. NSE ડેટા અનુસાર, IPO હેઠળ આશરે રૂ. 27,870 કરોડના કદ સાથે 9,97,69,810 શેરની ઓફર સામે 23,63,26,937 શેર માટે બિડ મળી હતી. ભારતીય શેરબજારમાં આ સૌથી મોટો IPO છે. તેણે લાઈફ ઈન્સ્યોરન્સ કોર્પોરેશન ઓફ ઈન્ડિયા (LIC)ના રૂ. 21,000 કરોડના આઈપીઓને પાછળ છોડી દીધો છે. ક્વોલિફાઇડ ઇન્સ્ટિટ્યૂશનલ બાયર્સ (QIB) કેટેગરી 6.97 વખત સબસ્ક્રાઇબ થયો હતો , જ્યારે બિન-સંસ્થાકીય રોકાણકારોના ક્વોટાને 60% સબસ્ક્રિપ્શન મળ્યું હતું. છૂટક વ્યક્તિગત રોકાણકારો માટે નિર્ધારિત ક્વોટાને 50% સબ્સ્ક્રિપ્શન મળ્યું હતું.
Hyundai Motor India IPO: મારુતિ પછી ઓટો કંપનીનો પ્રથમ મોટો IPO
2003માં મારુતિ સુઝુકી ઈન્ડિયાના લિસ્ટિંગ પછી છેલ્લા બે દાયકામાં કોઈ ઓટોમોબાઈલ ઉત્પાદકનો આ પહેલો આઈપીઓ છે. HMIL, દેશની બીજી સૌથી મોટી કાર કંપનીએ આશા વ્યક્ત કરી હતી કે ઇક્વિટી શેરના લિસ્ટિંગથી તેની વિઝિબિલિટી અને બ્રાન્ડ ઇમેજ વધશે અને શેર માટે લિક્વિડિટી અને જાહેર બજાર મળશે.
(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્લેટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)
