News Continuous Bureau | Mumbai 

 TRAI Report: ટેલિકોમ સેક્ટર (Telecom Sector) માં રિલાયન્સ જિયો (Reliance Jio) નું રાજ ચાલુ છે. Jioના નેટવર્કમાં નવા ગ્રાહકો સતત જોડાઈ રહ્યા છે. Jio સિવાય એરટેલ (Airtel) એકમાત્ર એવી કંપની છે. જે નવા ગ્રાહકો ઉમેરી રહી છે. પરંતુ વોડાફોન-આઈડિયા (VI) જેવા મોટા નેટવર્કમાં પણ ગ્રાહકો જતા જોવા મળી રહ્યા છે. ટેલિકોમ રેગ્યુલેટરી ઓથોરિટી ઓફ ઈન્ડિયા એટલે કે TRAI એ તાજેતરમાં તેનો મે 2023 નો રિપોર્ટ બહાર પાડ્યો છે, જે મુજબ રિલાયન્સ જિયોએ મે 2023 માં 30.4 લાખ નવા ગ્રાહકો ઉમેર્યા છે.

જ્યારે Viએ 28 લાખ સબ્સ્ક્રાઇબર ગુમાવ્યા છે

જ્યારે વોડાફોન આઈડિયાએ 28.15 લાખ વપરાશકર્તાઓનો ઘટાડો નોંધ્યો છે. ભારતી એરટેલ વિશે વાત કરીએ તો, તેઓએ મે મહિનામાં 13.4 લાખ નવા ગ્રાહકો ઉમેર્યા. તેથી હાલમાં Jio બજારમાં અગ્રેસર છે અને તેઓ એરટેલની મજબૂત સ્પર્ધાનો સામનો કરી રહી છે. એકંદરે Jio અને Airtel નો યુઝર બેઝ વધી રહ્યો છે. સરકારી ટેલિકોમ કંપની BSNL ના ગ્રાહકોમાં પણ ઘટાડો થયો છે. તેમની સંખ્યામાં આશરે 14.8 લાખનો ઘટાડો નોંધવામાં આવ્યો છે. ટ્રાઈના રિપોર્ટ અનુસાર મે 2023 માં ગ્રાહકોની કુલ સંખ્યા વધીને 114,32,05,267 થઈ ગઈ છે. Jio ના કુલ ગ્રાહકોની સંખ્યા 43,63,09,270 છે. જ્યારે એરટેલના કુલ ગ્રાહકો 37,23,15,782 પર પહોંચી ગયા છે. વોડાફોન-આઈડિયાના કુલ યુઝર્સની સંખ્યા 23,09,41,435 છે.

આ સમાચાર પણ વાંચો : Amrita arora આ બોલિવૂડ અભિનેત્રી પર લાગ્યો હતો પતિ ચોરીનો આરોપ, આ રીતે માતા એ કર્યો હતો એક્ટ્રેસ નો બચાવ

એપ્રિલ કેવો રહ્યો?

જો એપ્રિલની વાત કરીએ તો Jioએ 30 લાખથી વધુ નવા યુઝર્સ ઉમેર્યા છે, જ્યારે એરટેલે એપ્રિલમાં 70 હજારથી વધુ નવા યુઝર્સ ઉમેર્યા છે. આ જ સમયગાળા દરમિયાન વોડાફોને લગભગ 29 લાખ વપરાશકર્તાઓ ગુમાવ્યા.