News Continuous Bureau | Mumbai
Ahmedabad Emergency Call Box: કોઈ મુશ્કેલીમાં મદદ માટે તમારે માત્ર એક બટન જ દબાવવું પડે તો કેવું સારું! ગુજરાતના અમદાવાદમાં પણ આવી જ એક મોટી પહેલ કરવામાં આવી છે. અમદાવાદમાં નિર્ભયા સેફ સિટી પ્રોજેક્ટ હેઠળ 205 ઈમરજન્સી કોલ બોક્સ લગાવાયા જેનું બટન દબાવતા જ પોલીસ મદદ માટે પહોંચી જશે.
તમે મુશ્કેલીમાં કોલ બોક્સનું બટન દબાવો છો, તો તરત જ આપનો વિડીયો નજીકના પીસીઆર વાનમાં તથા પોલીસ કંટ્રોલ રુમમાં પહોંચી જશે. ત્યારબાદ પોલીસ તરફથી તમારો સંપર્ક કરી સમસ્યાનું નિરાકરણ લાવવામાં આવશે.
આ કોલ બોક્સ હાલ ગુજરાત યુનિવર્સિટી, સિંધુ ભવન રોડ અને સેટેલાઇટ જેવા ચોક્કસ વિસ્તારોમાં કાર્યરત. અત્યાર સુઘીમાં 167 કાર્યરત કરી દેવામાં આવ્યા છે, અન્ય બોક્સ ટુંક સમયમાં કાર્યરત થશે. સુવિધાથી ખુશ વિદ્યાર્થીની માયાબેને કહ્યું, “જો કોઈ ઘટના બને તો અમે કોલ બોક્સનો ઉપયોગ કરી શકીએ છીએ. તેની અંદર એક કેમેરા છે, જેના દ્વારા અમે પોલીસ સાથે સીધી વાત કરી શકીએ છીએ. અમને આવી સારી સુવિધા આપવા બદલ અમે ગુજરાત પોલીસ અને ગુજરાત સરકારના ખૂબ આભારી છીએ.”
દરેકને સુરક્ષા પ્રદાન કરતા આ ઈમરજન્સી કોલ બોક્સ લોકો માટે લાઈફલાઈન બની ગયા છે. પોલીસને મદદ માટે દરરોજ સરેરાશ 30 કોલ આવી રહ્યા છે. આ બોક્સની કાર્યપદ્ધતિ સમજાવતા અમદાવાદ પોલીસ ( Ahmedabad ) એડીજીપી અજય ચૌધરીએ કીધું, ‘”ઇમરજન્સી કોલ બોક્સ એ દ્વિ-માર્ગી સંચાર પ્રણાલી છે. જો કોઇ નાગરિક કોલ કરે છે, તો પોલીસ કંટ્રોલ રૂમ તેનો સીધો વીડિયો કોલ દ્વારા સંપર્ક કરશે અને પીસીઆર વાન તરત જ ત્યાં પહોંચી જશે.”
આ સમાચાર પણ વાંચો : Abhijat Marathi Language Program : PM મોદીએ મુંબઈમાં અભિજાત મરાઠી ભાષાના કાર્યક્રમમાં લીધો ભાગ, મરાઠીને શાસ્ત્રીય ભાષાનો દરજ્જો મળવા બદલ પાઠવ્યા અભિનંદન.
આમ, સમાજને સુરક્ષિત રાખવાના સરકારના વિઝનનું ઈમરજન્સી કોલ બોક્સ ( Emergency Call Box ) સાચું ઉદાહરણ પુરું પાડે છે. આ માત્ર કોલ બોક્સ નથી, પરંતુ સંકટ સમયે નાગરિકની સુરક્ષા સુનિશ્ચિત કરતી સાંકળ છે.
Disclaimer : Except for the headline, this story has not been edited by News Continuous staff and is published from a syndicated feed.
