ન્યૂઝ કંટીન્યુઝ બ્યૂરો
મુંબઈ
27 ફેબ્રુઆરી 2021
બોમ્બે હાઈકોર્ટમાં પ્રાઇવેટ શાળાઓ તરફથી લેવામાં આવતી ફી સંદર્ભે કેસની સુનાવણી ચાલી રહી છે. આ સુનાવણી દરમિયાન જસ્ટીસ એ નિર્દેશ આપ્યા છે કે આ મામલો પાલક, શાસન અને સ્કૂલ વચ્ચે સમાધાન થી પતવો જોઈએ. આ ઉપરાંત કોર્ટે અનેક નિર્દેશો પણ આપ્યા છે. જે મુજબ કોર્ટે કહ્યું છે કે ચાલુ વર્ષે કોઈપણ શાળા ફી નહીં વધારી શકે. આ ઉપરાંત જે પાલક ફી નથી ભરી શકતા તેમને પૈસા ભરવા માટે સુગમતા આપવામાં આવે. સાથે જ તેમણે કહ્યું છે કે આ સંદર્ભે શાસન નો શું અભિપ્રાય છે તે કોર્ટ સામે સ્પષ્ટ કરવામાં આવે.
હવે આ મામલાની સુનાવણી સોમવાર પર ટળી ગઇ છે. જોવાનું એ રહે છે કે બોમ્બે હાઈકોર્ટ ફીસ સંદર્ભે શું નિર્ણય લે છે.
