News Continuous Bureau | Mumbai
Mumbai : બૃહન્મુંબઈ મહાનગરપાલિકા (BMC)એ મઢ આઇલેન્ડ સ્થિત P નોર્થ વોર્ડ વિસ્તારમાં નકલી નકશાઓના આધારે બનાવાયેલા 14 ગેરકાયદેસર બાંધકામો પર મોટી કાર્યવાહી કરી છે. આ કાર્યવાહી દરમિયાન મરાઠી સિરિયલ ‘તુઝી માઝી જમલી જોડી’ના ગેરકાયદેસર શૂટિંગ સેટને પણ બુલડોઝરથી તોડી પાડવામાં આવ્યો.
Mumbai : છેલ્લા બે અઠવાડિયામાં કુલ 24 બાંધકામો પર કાર્યવાહી
P (ઉત્તર) વિભાગના અંતર્ગત આવતા એરંગળ અને વલનાઈ ગામોમાં આજે 13 મેના રોજ 14 ગેરકાયદેસર બાંધકામો તોડી પાડવામાં આવ્યા. આ પહેલાં ગયા અઠવાડિયે 9 બાંધકામો હટાવવામાં આવ્યા હતા, જેમાં એક ગેરકાયદેસર બંગલો પણ સામેલ હતો. આ રીતે ગયા બે અઠવાડિયામાં કુલ 24 બાંધકામો પર કાર્યવાહી કરવામાં આવી છે.
Mumbai : ટીવી સિરિયલ સેટ પર એક્શન – નકલી દસ્તાવેજોથી ચાલી રહી હતી શૂટિંગ
Text: મઢ આઇલેન્ડમાં એક વર્ષથી ચાલી રહેલી મરાઠી ટીવી સિરિયલ ‘તુઝી માઝી જમલી જોડી’ની શૂટિંગ માટે બનાવાયેલ સેટ પણ આ કાર્યવાહી હેઠળ આવ્યો. BMC P નોર્થના આસિસ્ટન્ટ કમિશનર શ્રી કુન્દન વલવીએ જ્યારે સેટ માલિકો પાસેથી માન્ય દસ્તાવેજો માગ્યા, ત્યારે તપાસમાં દસ્તાવેજો નકલી નીકળ્યા. ત્યારબાદ તેમણે તાત્કાલિક કાર્યવાહી કરવા આદેશ આપ્યો.
આ સમાચાર પણ વાંચો : Mumbai Metro Line 9 : મુંબઈગરાઓની મુસાફરી બનશે વધુ સરળ..આજથી શરૂ થશે દહિસરથી મીરા-ભાયંદર મેટ્રોનુ ટ્રાયલ રન, જાણો ક્યારથી શરૂ થશે સેવા…
Mumbai : BMCના 10 અધિકારી-કર્મચારી અને પૂરતી પોલીસ બળની તૈનાતી
સબ ઇજનેર પ્રવીણ મુલુકના નેતૃત્વમાં સવારે બે બુલડોઝર સાથે ટીમ સેટ પર પહોંચી અને આખી રચનાને તોડી નાખી. એક્ઝિક્યુટિવ ઇજનેર સાગર રાણેના જણાવ્યા અનુસાર, આ કાર્યવાહી દરમિયાન એરંગળમાં: 3 બાંધકામો (1900, 1700, 650 ચોરસફૂટ) અને વલનાઈમાં: 11 બાંધકામો (200–300 ચોરસફૂટ દરેક) તોડી પાડવામાં આવ્યા. 3 JCB, અન્ય મશીનો, BMCના 10 અધિકારી-કર્મચારી અને પૂરતી પોલીસ બળની તૈનાતી હતી. આસિસ્ટન્ટ ઇજનેર રાજેશ સુનાવણેની દેખરેખમાં સેટને માત્ર 5 કલાકમાં સંપૂર્ણપણે તોડી પાડવામાં આવ્યો.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
