News Continuous Bureau | Mumbai 

Mumbai Local : આજના મોટાભાગના યુવાનો જોખમ લેવાને બહાદુરી માને છે. વીડિયો અને રીલ (Reel) ના આ જમાનામાં ઘણા લોકો લાઈક્સ અને વ્યુઝ મેળવવા માટે પોતાનો જીવ જોખમમાં મુકી રહ્યા છે. તમે સોશિયલ મીડિયા પર આવા ઘણા વીડિયો જોયા હશે, જેમાં લોકો પોપ્યુલર થવા માટે મોટું જોખમ લે છે. હવે ઈન્ટરનેટ પર વાયરલ થઈ રહેલા સ્ટંટનો આ વીડિયો જ જુઓ, જેને જોયા બાદ લોકોમાં હાહાકાર મચી ગયો છે.

જુઓ વિડીયો

Dear Sir/Madam,
Please take action against this person hanging in Local Train. From kurla to Mankhurd. pic.twitter.com/SHqMNGfTqN

— Jaswant Singh (@Jaswant55804218) September 7, 2023

લોકલ ટ્રેનમાં લટકીને મુસાફરી કરી

આ વાયરલ વીડિયો (Viral video) મુંબઈની લોકલ ટ્રેન (Mumbai Local train) નો હોવાનું કહેવાય છે, જેમાં એક યુવક ખતરનાક સ્ટંટ (Dangerous stunt) કરતો જોવા મળી રહ્યો છે. આ વ્યક્તિએ કુર્લાથી માનખુર્દ સુધી લોકલ ટ્રેનમાં લટકીને મુસાફરી કરી હતી. વાયરલ વીડિયોમાં તમે જોઈ શકો છો કે ટ્રેન ખૂબ જ ઝડપે દોડી રહી છે. આ વ્યક્તિ પ્લેટફોર્મ પર પહોંચતા પહેલા ફૂટબોર્ડની નીચે ગયો અને જોખમી રીતે લટકતો રહ્યો. તે વ્યક્તિ અધવચ્ચે ટ્રેનમાંથી ઉતરવાનો પ્રયાસ કરી રહ્યો હતો. ટ્રેનની સ્પીડ થોડી ધીમી થતાં જ તે વ્યક્તિ ટ્રેનમાંથી કૂદી પડ્યો. જોકે સદનસીબે ટ્રેનની સ્પીડ વધારે ન હતી. જો સ્પીડ વધુ હોત તો યુવાન સાથે ગંભીર અકસ્માત સર્જાયો હોત.

યુવક ચાલતી ટ્રેનની બહાર લટક્યો

જ્યારે આ વ્યક્તિ ફૂટબોર્ડ નીચે લટકી રહ્યો હતો ત્યારે ટ્રેનમાં હાજર એક વ્યક્તિએ તેનો વીડિયો બનાવીને સોશિયલ મીડિયા પર પોસ્ટ કર્યો હતો. વીડિયો વાયરલ થયા બાદ રેલવે પ્રોટેક્શન ફોર્સ મુંબઈ વિભાગે આ ઘટનાની નોંધ લીધી અને કહ્યું કે આવા સ્ટંટ કરનારાઓ સામે કડક કાર્યવાહી કરવામાં આવશે.

આ સમાચાર પણ વાંચો :  Elephant Birth : બાળકને જન્મ આપી રહી હતી માદા હાથી, તો અન્ય હાથીઓ ટોળામાં ઉભા રહી ગયા, જુઓ વીડિયો..

પોલીસે આપ્યો જવાબ

સૌપ્રથમ તો રેલ્વે સેવાએ આ બાબતે પોતાની પ્રતિક્રિયા આપી અને આ મામલો મધ્ય રેલ્વે આરપીએફ (RPF) ને સોંપી દીધો. ત્યારપછી સેન્ટ્રલ રેલવે આરપીએફએ આ બાબત રેલવે પ્રોટેક્શન ફોર્સ મુંબઈ ડિવિઝનના ધ્યાન પર લાવી હતી. આ પછી RPF ટીમે કહ્યું, “માહિતી માટે તમારો આભાર. આ મામલો જરૂરી કાર્યવાહી માટે સંબંધિત અધિકારીઓને મોકલી દેવામાં આવ્યો છે.” આરપીએફએ વધુમાં જણાવ્યું હતું કે, ‘તમારી ફરિયાદને ગંભીરતાથી લેતા અહેવાલ આ પ્રમાણે છે કે કુર્લાથી નીકળ્યા બાદ ટ્રેન તિલક નગર રેલવે સ્ટેશન પર ઉભી રહે છે. જો કોઈ આ વિસ્તારમાં આવા સ્ટંટ કરતા જોવા મળશે તો તેની સામે કાર્યવાહી કરવામાં આવશે.