News Continuous Bureau | Mumbai

Mumbai Monsoon Rain Update મુંબઈ અને તેના ઉપનગરોમાં લાંબી પ્રતીક્ષા બાદ આખરે ચોમાસાએ ધમાકેદાર હાજરી નોંધાવી છે. સોમવારે વહેલી સવારથી જ મુંબઈના વિવિધ વિસ્તારોમાં તોફાની પવન અને ગાજવીજ સાથે મુશળધાર વરસાદ શરૂ થઈ ગયો છે. ભારતીય હવામાન વિભાગ (IMD) એ આગામી કલાકો માટે મુંબઈ અને આસપાસના વિસ્તારોમાં ભારે વરસાદની ચેતવણી સાથે મોટું એલર્ટ જાહેર કર્યું છે.

Mumbai Monsoon Rain Update – કાંદિવલીથી લઈને ગોરેગાંવ સુધી વરસાદની જોરદાર બેટિંગ

મુંબઈમાં ચોમાસું સામાન્ય કરતાં થોડું મોડું પડ્યા બાદ આજે સવારથી જ તેની તીવ્રતા જોવા મળી રહી છે. કાંદિવલી, મલાડ, બોરીવલી, ગોરેગાંવ તેમજ દાદર અને તેની આસપાસના વિસ્તારોમાં વાદળછાયા વાતાવરણ બાદ ધોધમાર વરસાદ તૂટી પડ્યો હતો. વહેલી સવારથી શરૂ થયેલા આ વરસાદના કારણે નીચાણવાળા રસ્તાઓ પર પાણી ભરાઈ ગયા હતા, જેના લીધે સવારે ઓફિસ અને કામે નીકળેલા હજારો મુંબઈગરાંની ભારે દોડધામ મચી ગઈ હતી અને કેટલાક લોકો રેલવે સ્ટેશનો પર જ અટવાઈ પડ્યા હતા. જો કે, આ વરસાદી ઝાપટાંના કારણે વાતાવરણમાં સરસ ગરમી ઓછી થઈ છે અને ઠંડક પ્રસરી ગઈ છે.

Mumbai Monsoon Rain Update – હવામાન વિભાગે આગામી ૩ થી ૪ કલાક માટે આપી ચેતવણી

હવામાન વિભાગના જણાવ્યા અનુસાર, મુંબઈ અને ઉપનગરોમાં આગામી ૩ થી ૪ કલાક દરમિયાન ભારે વીજળીના કડાકા-ભડાકા સાથે મુશળધાર વરસાદ ચાલુ રહેશે. આ સમયગાળા દરમિયાન દરિયાકાંઠાના અને શહેરી વિસ્તારોમાં ૩૦ થી ૪૦ કિલોમીટર પ્રતિ કલાકની ઝડપે તેજ પવન ફૂંકાવાની પણ શક્યતા છે. મુંબઈ ઉપરાંત મહારાષ્ટ્રના જળગાંવ જિલ્લામાં પણ દોઢ કલાક સુધી વાવાઝોડા સાથે ભારે વરસાદ નોંધાયો છે, જેનાથી ત્યાંના સ્થાનિક નાગરિકોને પણ ગરમીથી રાહત મળી છે.

Mumbai Monsoon Rain Update – એલ નિનોની અસર વચ્ચે ખેડૂતોને ઉતાવળ ન કરવા સરકારની અપીલ

મહારાષ્ટ્રમાં ભલે વરસાદે એન્ટ્રી કરી લીધી હોય, પરંતુ રાજ્ય સરકાર અને કૃષિ વિભાગ દ્વારા ખેડૂતોને સત્તાવાર આદેશ કે માર્ગદર્શિકા જાહેર ન થાય ત્યાં સુધી વાવણી ન કરવાની અપીલ કરવામાં આવી છે. કૃષિ નિષ્ણાતોના મતે, આ વર્ષે ચોમાસા પર ‘એલ નિનો’ (El Nino) નો પ્રભાવ હોવાના કારણે પ્રશાંત મહાસાગરમાં સક્રિય થયેલી સિસ્ટમથી વરસાદનું પ્રમાણ સરેરાશ કરતાં ઓછું રહેવાની સંભાવના છે. તેથી, જમીનમાં પૂરતો ભેજ અને સારો વરસાદ ન થાય ત્યાં સુધી ખેડૂતોએ ઉતાવળે વાવણી કરવાનું ટાળવું જોઈએ જેથી આર્થિક નુકસાનથી બચી શકાય.

👉 આ સમાચાર વાચો:
Pankaj Tripathi Brother Attacked