News Continuous Bureau | Mumbai
Oshiwara Car Attack મુંબઈના અંધેરી પશ્ચિમમાં આવેલા પોશ વિસ્તાર ઓશિવરામાં માનવતાને શરમાવે તેવી ઘટના બની છે. એક હાઈ-રાઈઝ બિલ્ડિંગમાં રહેતા બે પાડોશીઓ વચ્ચેનો અંગત વિવાદ એટલો વકર્યો કે પુરુષે મહિલા પાડોશી પર પોતાની લક્ઝરી કાર ચઢાવી તેને જાનથી મારી નાખવાનો પ્રયાસ કર્યો હતો. આ હુમલા પહેલા આરોપીએ મહિલાને તેના ચહેરા પર એસિડ ફેંકવાની પણ ધમકી આપી હોવાનો ગંભીર આક્ષેપ છે.મળતી માહિતી મુજબ, ઓશિવરાની એક જાણીતી સોસાયટીમાં રહેતી મહિલા અને તે જ બિલ્ડિંગના એક પુરુષ વચ્ચે છેલ્લા ઘણા સમયથી ખટરાગ ચાલતો હતો. બિલ્ડિંગના ગેટ પાસે બંને આમને-સામને આવી જતાં ઉગ્ર બોલાચાલી થઈ હતી. આરોપીએ જ્યારે મહિલાને એસિડ એટેકની ધમકી આપી, ત્યારે ઉશ્કેરાયેલી મહિલાએ તેને લાફો મારી દીધો હતો. આ વાતનો બદલો લેવા આરોપીએ પાછળ હટી પોતાની કાર પૂરઝડપે મહિલા તરફ દોડાવી હતી.
CCTV ફૂટેજમાં કેદ થયો હુમલો
આ સમગ્ર ઘટના બિલ્ડિંગના ગેટ પર લાગેલા સીસીટીવી (CCTV) કેમેરામાં કેદ થઈ ગઈ છે. વીડિયોમાં જોઈ શકાય છે કે આરોપી કેવી રીતે મહિલાને કચડી નાખવાના ઈરાદે કાર તેના તરફ લઈ જાય છે. મહિલાએ સમયસૂચકતા વાપરી બાજુ પર ખસી જતાં તેનો જીવ બચ્યો હતો, પરંતુ આ ઘટનાએ સોસાયટીના અન્ય રહીશોમાં પણ ડરનો માહોલ પેદા કર્યો છે. પોલીસે આ ફૂટેજ કબજે કરી તપાસ તેજ કરી છે.
A woman has alleged that a man attempted to run her over with a car following a dispute at the gate of Arena Building.The accused,a fellow resident,also allegedly threatened her with an acid attack during the argument.The victim has lodged a complaint at Oshiwara Police Station. pic.twitter.com/72UpYY8109
— Visshal Singh (@VishooSingh) February 4, 2026
આ સમાચાર પણ વાંચો : Shani Asta 2026: શનિનો અસ્ત, મુશ્કેલીઓનો પ્રારંભ! જાણો કઈ એ 4 નસીબદાર રાશિઓ છે જેમના માટે 13 માર્ચ પછીનો સમય અગ્નિપરીક્ષા સમાન રહેશે.
ઓશિવરા પોલીસની કાર્યવાહી
પીડિત મહિલાએ આ ઘટના બાદ તાત્કાલિક ઓશિવરા પોલીસ સ્ટેશનમાં ફરિયાદ નોંધાવી છે. પોલીસે મહિલાની ફરિયાદના આધારે આરોપી વિરુદ્ધ ભારતીય ન્યાય સંહિતાની વિવિધ ગંભીર કલમો હેઠળ ગુનો નોંધવાની પ્રક્રિયા હાથ ધરી છે. એસિડ એટેકની ધમકી આપવી એ ગંભીર ગુનો હોવાથી પોલીસ આ મામલે કોઈ પણ પ્રકારની ઢીલ મૂકવા માંગતી નથી.
