News Continuous Bureau | Mumbai
Mumbai’s Living Statue: ગોલ્ડન મેન (Golden Man) તરીકે પણ ઓળખાતા ગિરજેશ ગૌર જીવંત પ્રતિમા (Living Statue) બનીને પોતાની કળાનું પ્રદર્શન કરે છે. હાલમાં તેનો એક વીડિયો સોશિયલ મીડિયા પર વાયરલ થઈ રહ્યો છે જેમાં મુંબઈ પોલીસ (Mumbai Police) નો એક સભ્ય તેની સાથે ગેરવર્તન કરતો જોવા મળી રહ્યો છે. કહેવામાં આવી રહ્યું છે કે આ વીડિયો મુંબઈના બેન્ડસ્ટેન્ડનો છે, જ્યાં ગિરજેશ ગૌર પ્રતિમા બનીને લોકોનું મનોરંજન કરી રહ્યો હતો.
મળતી માહિતી મુજબ, ગિરજેશ ગૌર મુંબઈના બેન્ડસ્ટેન્ડ પર દરિયા કિનારે પોતાની કલા બતાવી રહ્યો હતો . ત્યાં મોટી સંખ્યામાં પ્રવાસીઓ પણ હાજર હતા, આ દરમિયાન મુંબઈ પોલીસનો એક જવાન ત્યાં પહોંચે છે અને ગિરજેશ ગૌરનો લાકડી વડે પીછો કરવા લાગે છે. આટલું જ નહીં, મુંબઈ પોલીસના જવાનો ગિરજેશને લાકડીથી પણ મારે છે. આના પર ત્યાં હાજર લોકોએ મુંબઈ પોલીસ કર્મચારીઓનો વિરોધ કર્યો હતો.
જોકે મુંબઈ પોલીસ જવાન ગિરજેશ પર લાકડી વડે હુમલો કરવાનો પ્રયાસ કરે છે, પરંતુ લોકો તેને બચાવવા આવે છે. આ પછી, મુંબઈ પોલીસ કર્મચારીઓ ગિરજેશને ખેંચીને દૂર કરવાનો પ્રયાસ કરે છે પરંતુ લોકોએ તેને તેમ કરવા દીધું ન હતું. લોકોએ આરોપ લગાવ્યો કે મુંબઈ પોલીસના કર્મચારીઓ નશામાં હતા.
આ સમાચાર પણ વાંચો : Crocodile In BMC Swimming Pool: મુંબઇના આ સ્વિમીંગ પૂલમાં લોકોની જગ્યાએ મગરનું બચ્ચું તરતું મળી આવ્યું… જાણો શું હતું કારણ.. જુઓ વિડીયો..
ડીસીપીએ કોન્સ્ટેબલના નશામાં હોવાના દાવાને રદિયો આપ્યો…
મુંબઈ પોલીસના ડીસીપીએ કોન્સ્ટેબલના નશામાં હોવાના દાવાને રદિયો આપ્યો છે અને સ્પષ્ટતા કરી છે કે જાહેર સુરક્ષાની ચિંતાને કારણે ભીડને વિખેરવાની કોન્સ્ટેબલની ફરજ હતી. ગૌર, જેમણે પોતાની જાતને જીવંત પ્રતિમા તરીકે દર્શાવી હતી, તેને પોલીસ દ્વારા જવા માટે કહેવામાં આવ્યું હતું પરંતુ તેણે ઇનકાર કર્યો હતો, પરિણામે ભીડને વિખેરવા માટે બળનો ઉપયોગ કરવામાં આવ્યો હતો.
જો કે, સોશિયલ મીડિયા પર લોકો મુંબઈ પોલીસ કર્મચારીઓના વર્તન પર ગુસ્સો વ્યક્ત કરી રહ્યા છે. એકે લખ્યું, જેના પર કાર્યવાહી થવી જોઈએ ‘તેઓ એ મુદ્દાઓ પર મૌન છે અને જો ગરીબ એક હપ્તું ન આપે તો તેના પર તેઓ પગલાં લે છે. હું મુંબઈ પોલીસને ખૂબ જ ઈમાનદાર પોલીસ માનતો હતો, પરંતુ મુંબઈમાં રહીને મેં ઘણી વખત તેમની બેઈમાનીનો સામનો કર્યો છે. @Arunqatar2018એ લખ્યું, ‘બાંદ્રા બેન્ડસ્ટેન્ડ ખાતે મુંબઈના ‘ગોલ્ડ મેન’ પર પોલીસની કથિત નિર્દયતા અંગે અત્યંત ચિંતિત.’
આ વીડિયો જોયા બાદ સોશિયલ મીડિયા પર ઘણા લોકોએ મુંબઈ પોલીસને ભીંસમાં લીધી છે. લોકોનું કહેવું છે કે જ્યારે આ વ્યક્તિ કળા કરતો હતો ત્યારે તે કોઈને નુકસાન પહોંચાડતો ન હતો તો તેને કેમ બિનજરૂરી રીતે હેરાન કરવામાં આવ્યો? લોકોનું કહેવું છે કે પોલીસ જ્યાં જોઈએ ત્યાં કાર્યવાહી કરતી નથી અને આવા કલાકારોને પ્રોત્સાહિત કરવાને બદલે તેમને હેરાન કરી રહી છે.
Girjesh Goud, who is popularly known as ‘The Living Statue’ or ‘Golden Man’ was manhandled by a drunk police constable at the Bandra Bandstand on Monday night.#Mumbai #Bandra #Bandstand pic.twitter.com/68JTGeC9DB
— Kumar Ankit (@Kumar_Ankit03) October 3, 2023
