મુંબઈમાં વાહનચલાકોને દંડનારા ટ્રાફિક પોલીસ સામે જ કાર્યવાહી થશે. જાણો કેમ

News Continuous Bureau | Mumbai

મહારાષ્ટ્રમાં(Maharashtra)  ટ્રાફિકના નિયમોનો(Traffic rules) ભંગ કરનારા વાહનચાલકો(Motorists) સામે કાર્યવાહી કરતા સમયે ટ્રાફિક પોલીસ(Traffic Police) પોતાના ખાનગી મોબાઈલ(Private mobile) અથવા ખાનગી વાહનનો ઉપયોગ કરી શકશે નહીં. ટ્રાફિકના નિયમોનું ઉલ્લંઘન કરનારા સામે કાર્યવાહી કરનાર પોલીસે જો  ટ્રાફિક પોલીસ પ્રોટોકોલનો(traffic police protocol) ભંગ કર્યો તો તેમને જ   કાર્યવાહીનો સામનો કરવો પડશે.

રાજ્યના એડિશનલ ડાયરેક્ટર જનરલ ઓફ પોલીસ(State Additional Director General of Police) કુલવંત કુમાર સંરગલે પરિપત્ર બહાર પાડ્યો છે, તે મુજબ વાહનચાલકો સામે કાર્યવાહી કરતી વખતે ખાનગી વાહનો કે તેમના ખાનગી મોબાઈલ ફોનનો ઉપયોગ ન કરવા પોલીસને  સૂચના આપવામાં આવી છે. જો આમ કરવામાં નહીં આવે તો ટ્રાફિક પોલીસે દંડનીય કાર્યવાહીનો સામનો કરવો પડશે.

ડાયરેક્ટર જનરલ ઓફ પોલીસે બહાર પાડેલા પરિપત્રમાં સૂચનાઓ આપવામાં આવી છે. તે મુજબ દંડનીય કાર્યવાહી (Penal action) દરમિયાન વાહનચાલકો સામે પોલીસે પોતાના ખાનગી મોબાઈલ ફોનનો(private mobile phones) ઉપયોગ ફોટો લેવા માટે ન કરવો જોઈએ. જો કોઈ ખાનગી મોબાઈલનો ઉપયોગ કરશે તો કાર્યવાહી કરવામાં આવશે.

આ સમાચાર પણ વાંચો :  મહત્વના સમાચાર- ગણેશ વિસર્જનના પગલે આ ત્રણ દિવસ મુંબઈના રસ્તાઓ પર રહેશે ટ્રાફિક ડાઈવર્ઝન

કેટલાક અધિકારીઓ અને અધિકારીઓ ઈ-ચલણ મશીન દ્વારા કોઈ કાર્યવાહી નહી કરતા  તેમના અંગત મોબાઈલમાં ફોટા પાડી લેતા હોવાની ફરિયાદો મળી છે. જેથી ટ્રાફિક પોલીસ ચલણ મશીન દ્વારા જ ફોટા લે એમ કહેવામાં આવ્યું છે. જો તેમ નહીં થાય તો સંબંધિત પોલીસ સામે કાર્યવાહી કરવામાં આવશે.

વાહનચાલકોને દંડ કરતી વખતે પોલીસ  પોતાના ખાનગી મોબાઈલમાં વાહનનો ફોટો કે વિડિયો લે છે અને થોડા સમય પછી ઈ-ચલણ મશીનમાં ફોટો અપલોડ કરે છે. તેમજ કારનો સંપૂર્ણ ફોટો અપલોડ કર્યા વિના માત્ર નંબર પ્લેટનો ફોટો અપલોડ કરવામાં આવે છે. તેથી તે કયું વાહન છે તે ઓળખવું અશક્ય બની જાય છે.