News Continuous Bureau | Mumbai
મુંબઈગરા આજે સમયસર ઓફિસે પહોંચે એવી શક્યતા ઓછી છે. મુંબઈમાં વેસ્ટર્ન એક્સપ્રેસ(Western Express) વે પર ખાડાઓના કારણે ભારે ટ્રાફિક જામ(traffic jam) થઈ ગયો છે.
ટ્રાફિક પોલીસના(Traffic Police) જણાવ્યા મુજબ વેસ્ટર્ન એક્સપ્રેસ પર અંધેરી(Andheri) તરફ આવતા રોડ પર ભારે ટ્રાફિક જામ છે. જોગેશ્વરી, ગોરેગાંવ અને મલાડમાં એક્સપ્રેસ વે (Expressway in Goregaon and Malad) પર વાહનોની લાંબી કતારો જોવા મળી રહી છે.
અરર- રસ્તા પરના ખાડાએ બોરીવલીમાં બાઈકસવાર દંપત્તિનો લીધો ભોગ
મુંબઈના વેસ્ટર્ન એક્સપ્રેસ વે પર મોટા માણમાં ખાડાઓ જોવા મળી રહ્યા છે. બોરીવલી નેશનલ પાર્કની(Borivali National Park) સામે વધુ ખાડાઓ છે. બુધવારે આ ખાડાઓને કારણે બે લોકોએ જીવ ગુમાવ્યા હતા. પરંતુ હજુ પણ વહીવટીતંત્ર જાગ્યું નથી. ખાડાઓને કારણે થતા ટ્રાફિક જામના કારણે ટ્રાફિક પોલીસને પણ મોટો પડકારનો સામનો કરવો પડી રહ્યો છે. ટ્રાફિક પોલીસ દ્વારા ટ્રાફિક ક્લિયર કરવાના પ્રયાસો કરવામાં આવી રહ્યા છે.
મુંબઈ મહાનગરપાલિકા(BMC), સાર્વજનિક બાંધકામ ખાતું, એમએમઆરડીએ(MMRDA), સ્ટેટ રોડ ડેવલપમેન્ટ કોર્પોરેશનના(State Road Development Corporation) હેઠળ મુંબઈના જુદા જુદા રસ્તાઓ આવે છે. રસ્તા પર મોટી સંખ્યામાં ખાસ કરીને વેસ્ટર્ન એક્સપ્રેસ પર મોટી સંખ્યામાં ખાડા હોવા છતાં પ્રશાસન તેના તરફ દુર્લક્ષ કરી રહી છે, તેને કારણે વાહનચાલકોને કલાકોને કલાક સુધી ટ્રાફિકમાં ફસાઈ જવાની નોબત આવી રહી છે.
