News Continuous Bureau | Mumbai 

Amit Shah Edited VIDEO: તેલંગાણાના મુખ્યમંત્રી રેવન્ત રેડ્ડીને દિલ્હી પોલીસે સમન્સ પાઠવ્યું છે. મીડિયા રિપોર્ટ મુજબ કેન્દ્રીય મંત્રી અમિત શાહના એડિટેડ વીડિયો કેસમાં સમન્સ પાઠવ્યું છે. દિલ્હી પોલીસે આજે તેલંગાણાના મુખ્ય પ્રધાન અને કોંગ્રેસના નેતા રેવંત રેડ્ડીને કેન્દ્રીય ગૃહ પ્રધાન અમિત શાહના મોર્ફ કરેલા વીડિયો સોશિયલ મીડિયા પ્લેટફોર્મ પર સર્ક્યુલેશનના સંબંધમાં સમન્સ પાઠવ્યા છે.

Amit Shah Edited VIDEO: રેવંત રેડ્ડીને સમન્સ

અહેવાલ એવા પણ છે કે દિલ્હી પોલીસે રેવંત રેડ્ડીને તેમના દ્વારા ઉપયોગમાં લેવાતા તમામ ઈલેક્ટ્રોનિક ગેજેટ્સ સાથે 1 મેના રોજ પૂછપરછ માટે બોલાવ્યા છે. દિલ્હી પોલીસની ટીમ હાલ હૈદરાબાદમાં હાજર છે. આ મામલામાં કોંગ્રેસના કેટલાક નેતાઓ અને અન્ય પાંચ લોકોને નોટિસ આપવામાં આવશે. આ એ લોકો છે જેમણે ગૃહમંત્રીનો એડિટેડ વીડિયો શેર કર્યો હતો.

Amit Shah Edited VIDEO: આ લોકોની થશે પૂછપરછ

આ લોકોની પૂછપરછ કરીને પોલીસ એ જાણવાનો પ્રયાસ કરશે કે આ એડિટેડ વીડિયો કોણે બનાવ્યો અને આ લોકો સુધી કેવી રીતે પહોંચ્યો. આ પાંચેય લોકો તેલંગાણા સાથે જોડાયેલા છે. આ કાર્યવાહી એવા સમયે થઈ છે જ્યારે દિલ્હી પોલીસે ગૃહ મંત્રાલય અને ભાજપની ફરિયાદ બાદ એક દિવસ પહેલા જ આ મામલે કેસ નોંધ્યો હતો.

આ સમાચાર પણ વાંચો : Mumbai Local Train Derails : મુબઈમાં લોકલ ટ્રેનની બોગી પાટા પરથી ઉતરી, આ રેલવે લાઇન પરની સેવાઓ થઇ પ્રભાવિત; મુસાફરોના હાલ બેહાલ..

Amit Shah Edited VIDEO: સ્પેશિયલ સેલે નોંધી એફઆઈઆર

ઉલ્લેખનીય છે કે સ્પેશિયલ સેલે ભારતીય દંડ સંહિતા (આઈપીસી)ની વિવિધ કલમો અને આઈટી એક્ટની સંબંધિત જોગવાઈઓ હેઠળ એફઆઈઆર નોંધી છે. ફરિયાદમાં આરોપ લગાવવામાં આવ્યો છે કે કેટલાક મોર્ફ કરેલા વીડિયો સોશિયલ મીડિયા પર સમુદાયો વચ્ચે વિસંગતતા પેદા કરવાના ઈરાદાથી શેર કરવામાં આવી રહ્યા છે, જે શાંતિ અને વ્યવસ્થાને ખલેલ પહોંચાડે તેવી શક્યતા છે.