News Continuous Bureau | Mumbai
Sonia Gandhi: લોકસભાની ચૂંટણી પૂરી થયા બાદ પણ રાજકીય નિવેદનબાજી અને એકબીજા પર આરોપો લગાવવાનો સિલસિલો યથાવત છે. લોકસભામાં વિપક્ષના નેતા રાહુલ ગાંધીએ ભાજપ પર ‘મતચોરી’નો આરોપ લગાવ્યો હતો, જેના પછી હવે ભાજપના આઈટી સેલના પ્રમુખ અમિત માલવીયે એક્સ પર એક પોસ્ટ કરીને કોંગ્રેસના પૂર્વ અધ્યક્ષ સોનિયા ગાંધી પર ગંભીર આરોપો લગાવ્યા છે. માલવીયે દાવો કર્યો છે કે સોનિયા ગાંધી ભારતીય નાગરિક ન હોવા છતાં તેમનું નામ મતદાર યાદીમાં સામેલ કરવામાં આવ્યું હતું.
સોનિયા ગાંધી ૧૯૮૦માં ઇટાલિયન નાગરિક હતા – ભાજપ
અમિત માલવીયે પોતાની એક્સ પોસ્ટમાં લખ્યું છે કે, ‘સંપૂર્ણ મામલો ચૂંટણી કાયદાનું સ્પષ્ટ ઉલ્લંઘન છે. રાહુલ ગાંધી આવા મતદારોને કાયદેસર ઠેરવવાની તરફેણમાં છે, જેઓ અયોગ્ય અને ગેરકાયદેસર છે. જે લોકો અયોગ્ય છે, તેઓ જ ‘સ્પેશિયલ ઈન્ટેન્સિવ રિવિઝન’નો વિરોધ કરી રહ્યા છે.’ માલવીયે દાવો કર્યો છે કે, ‘સર્વેક્ષણ મુજબ, સોનિયા ગાંધીનું નામ ૧૯૮૦માં મતદાર યાદીમાં સામેલ કરવામાં આવ્યું હતું, તે સમયે તેઓ ઈટાલિયન નાગરિક હતા. તેમને ભારતીય નાગરિકતા મળી નહોતી. તેમનું નિવાસસ્થાન પૂર્વ વડાપ્રધાન ઈન્દિરા ગાંધીના સત્તાવાર નિવાસસ્થાને હતું.’
Sonia Gandhi’s voters’ list history is a textbook case of Congress-style electoral malpractice.
Her name first appeared on the rolls in 1980 — while she was still an Italian citizen.
After deletion in 1982, it reappeared in 1983, months before she got Indian citizenship.… pic.twitter.com/B5bC0L78D7
— Pradeep Bhandari(प्रदीप भंडारी)🇮🇳 (@pradip103) August 13, 2025
પૂર્વ પીએમના સરકારી સરનામા પર નોંધાયું હતું નામ
ભાજપ નેતા અમિત માલવીયે વધુમાં જણાવ્યું છે કે, ‘૧૯૮૦માં નવી દિલ્હી લોકસભા મતવિસ્તાર માટે મતદાર યાદીનું પુનરાવર્તન થયું, જેમાં ૧ જાન્યુઆરી ૧૯૮૦ની તારીખ લાયકાતની તારીખ તરીકે નક્કી કરવામાં આવી. સોનિયા ગાંધીનું નામ મતદાન મથક ૧૪૫માં ક્રમ સંખ્યા ૩૮૮ પર ઉમેરાયું હતું.’ માલવીયે એવો પણ આરોપ લગાવ્યો છે કે, ‘એ સમયે પૂર્વ વડાપ્રધાન ઈન્દિરા ગાંધીના સત્તાવાર નિવાસસ્થાને મતદાર તરીકે ઈન્દિરા ગાંધી, રાજીવ ગાંધી, સંજય ગાંધી અને મેનકા ગાંધીના નામ નોંધાયેલા હતા.’
આ સમાચાર પણ વાંચો : Rupali Ganguly: જયા બચ્ચનના વાયરલ વિડીયો પર રુપાલી ગાંગુલી એ આપી પ્રતિક્રિયા, દિગ્ગ્જ અભિનેત્રી વિશે કહી આવી વાત
૧૯૮૨માં નામ રદ થયું અને ૧૯૮૩માં ફરી ઉમેરાયું
માલવીયે પોતાની પોસ્ટમાં વધુ એક ગંભીર દાવો કર્યો છે કે, ‘૧૯૮૨માં વિવાદ થયા પછી સોનિયા ગાંધીનું નામ મતદાર યાદીમાંથી હટાવવામાં આવ્યું હતું. પરંતુ, ૧૯૮૩માં ફરી એકવાર તેમનું નામ મતદાર યાદીમાં સમાવવામાં આવ્યું. તે સમયે તેમનું નામ મતદાન મથક ૧૪૦માં ક્રમ સંખ્યા ૨૩૬ પર નોંધાયું હતું.’
