News Continuous Bureau | Mumbai
India-EU Trade Deal 2026: ભારત અને યુરોપિયન યુનિયન ૨૦૦૭થી ચાલી રહેલી વ્યાપાર વાટાઘાટોને આજે આખરી ઓપ આપવા જઈ રહ્યા છે. વાણિજ્ય સચિવ રાજેશ અગ્રવાલે પુષ્ટિ કરી છે કે FTA ની વાતચીત સફળતાપૂર્વક પૂર્ણ થઈ છે અને હાલમાં દસ્તાવેજોની કાયદાકીય તપાસ (Legal Scrubbing) ચાલી રહી છે.
આજે શું છે કાર્યક્રમ?
યુરોપિયન કમિશનના પ્રમુખ ઉર્સુલા વોન ડેર લેયેન અને યુરોપિયન કાઉન્સિલના પ્રમુખ એન્ટોનિયો કોસ્ટા ભારતની મુલાકાતે છે.
સવારે ૧૧:૧૦: રાજઘાટ પર મહાત્મા ગાંધીને શ્રદ્ધાંજલિ.
બપોરે ૧૨:૦૦: હૈદરાબાદ હાઉસમાં પીએમ મોદી સાથે દ્વિપક્ષીય બેઠક.
બપોરે ૧:૧૫: સંયુક્ત પ્રેસ નિવેદન અને સમજૂતીની જાહેરાત.
આ સમાચાર પણ વાંચો : Bank Locker Rules 2026: ભૂલથી પણ બેંક લોકરમાં ન મૂકતા રોકડ, થઈ શકે છે જેલ! જાણો લોકર ધારકો માટે RBI ના 3 સૌથી મહત્વના બદલાવ
સમજૂતીમાં શું છે ખાસ? (૨૪ ચેપ્ટર્સની ડીલ)
આ FTA માત્ર સામાનના વેપાર પૂરતો મર્યાદિત નથી, પણ તેમાં સેવાઓ અને રોકાણનો પણ સમાવેશ થાય છે: ૧. નિકાસમાં રાહત: ભારતીય કાપડ, ચામડું, રત્ન-ઝવેરાત અને મશીનરી પર યુરોપમાં લાગતો ૧૦% સુધીનો ટેક્સ નાબૂદ કે ઓછો થશે. ૨. સસ્તી લક્ઝરી કારો: ભારત યુરોપિયન કારો (Audi, BMW, Mercedes) પરની આયાત ડ્યુટી તબક્કાવાર ઘટાડશે, જેનાથી આ કારો ભારતમાં સસ્તી થશે. ૩. મોબિલિટી એગ્રીમેન્ટ: ભારતીય વિદ્યાર્થીઓ અને પ્રોફેશ્નલ્સ માટે યુરોપમાં કામ કરવાના અને ભણવાના વિઝા નિયમો સરળ બનશે.
વૈશ્વિક ગણિત અને ચીન પર નિર્ભરતા
અમેરિકા દ્વારા લાદવામાં આવેલા ભારે ટેરિફ અને વૈશ્વિક અસ્થિરતા વચ્ચે ભારત માટે યુરોપ જેવું મોટું બજાર અત્યંત મહત્વનું છે. યુરોપિયન યુનિયન ભારતનો સૌથી મોટો ટ્રેડ પાર્ટનર છે. નાણાકીય વર્ષ ૨૦૨૪-૨૫માં બંને વચ્ચે ૧૩૬.૫૩ અબજ ડોલરનો વેપાર થયો હતો. આ ડીલથી ચીન પરની નિર્ભરતા ઘટશે અને ભારતને નવા વૈશ્વિક સપ્લાય ચેઈન પાર્ટનર મળશે.
