News Continuous Bureau | Mumbai
Israel-Hamas War: ઇઝરાયલે હમાસના આતંકવાદીઓના હુમલા ( Terrorist attacks ) બાદ ગાઝા પર શાસન કરતા ઈસ્લામિક આતંકવાદી જૂથનો સંપૂર્ણ નાશ કરવાની પ્રતિજ્ઞા લીધી છે. બંને દેશો વચ્ચે ચાલી રહેલા તણાવને કારણે આજે (13 ઓક્ટોબર) દિલ્હી ( Delhi ) સહિત દેશના ઘણા રાજ્યોને હાઈ એલર્ટ પર મૂકવામાં આવ્યા છે. પોલીસને સુરક્ષા એજન્સીઓ પાસેથી સંભવિત અસામાજિક ગતિવિધિઓની માહિતી મળી હતી, જેના પછી દિલ્હી સહિત વિવિધ રાજ્યોમાં સુરક્ષા ( Security ) વધારી દેવામાં આવી છે. ઈઝરાયેલ અને હમાસ વચ્ચે ચાલી રહેલા યુદ્ધની અસર ભારતમાં ( India ) પણ જોવા મળી રહી છે. સુરક્ષા એજન્સીઓને આશંકા છે કે આતંકવાદી સંગઠનો આ મુદ્દે લોકોને ઉશ્કેરવાનું કામ કરી શકે છે.
મીડિયા હાઉસમાં પ્રકાશિત અહેવાલ મુજબ, શુક્રવારની નમાઝને ધ્યાનમાં રાખીને, કોઈપણ અસામાજિક પ્રવૃત્તિ પર નજર રાખવા માટે રાષ્ટ્રીય રાજધાની દિલ્હીના રસ્તાઓ પર પોલીસ તૈનાત કરવામાં આવી છે. ઈઝરાયેલની દૂતાવાસ અને યહૂદી ધાર્મિક સંસ્થાનો સહિત તમામ સંવેદનશીલ વિસ્તારોમાં સુરક્ષા વધારી દેવામાં આવી છે. સૂત્રોએ જણાવ્યું કે સુરક્ષા એજન્સીઓએ કેટલાક અન્ય રાજ્યો અને કેન્દ્રશાસિત પ્રદેશોને પણ એલર્ટ (Alert ) કર્યા છે જેથી દેશમાં રહેતા ઈઝરાયલીઓની સુરક્ષા સુનિશ્ચિત કરી શકાય.
ઈઝરાયેલના ( Israel ) નાગરિકોની ( Israelis ) સુરક્ષા વધારવામાં આવી
મહારાષ્ટ્ર, હિમાચલ પ્રદેશ અને ગોવા જેવા રાજ્યોના વહીવટીતંત્રને ઇઝરાયલી રાજદ્વારીઓ, સ્ટાફ અને પ્રવાસીઓની સુરક્ષાનું ધ્યાન રાખવા માટે કહેવામાં આવ્યું છે. એવું નથી કે માત્ર ભારતમાં જ પોલીસ અને સુરક્ષા એજન્સીઓ ( security agencies ) ઈઝરાયેલના લોકો અંગે એલર્ટ પર છે. આવું જ કંઈક અમેરિકા, બ્રિટન, ફ્રાન્સ અને જર્મનીમાં પણ જોવા મળી રહ્યું છે. આ દેશોમાં પેલેસ્ટાઈન ( Palestine ) તરફી રેલીઓ કાઢવામાં આવી છે, ત્યારબાદ યહૂદી સંસ્થાઓ અને ઈઝરાયેલના નાગરિકોની સુરક્ષા વધારી દેવામાં આવી છે.
ઈઝરાયેલ-હમાસ વચ્ચે એક સપ્તાહથી યુદ્ધ ચાલુ
ગાઝા પટ્ટી પર શાસન કરતા પેલેસ્ટિનિયન ઉગ્રવાદી જૂથ હમાસે 7 ઓક્ટોબરે ઇઝરાયેલ પર 5,000 મિસાઇલો છોડી હતી. આ પછી તેના લડવૈયાઓએ ગાઝા પટ્ટીની સરહદો તોડીને ઈઝરાયેલમાં ઘૂસીને લોકોની હત્યા કરી હતી. 100થી વધુ લોકોનું અપહરણ કરીને ગાઝા પટ્ટીમાં લઈ જવામાં આવ્યા હતા. તે જ સમયે, ઈઝરાયેલે પણ ગાઝા પટ્ટી પર હવાઈ હુમલા કરીને જવાબી કાર્યવાહી કરી હતી. છેલ્લા એક સપ્તાહથી હમાસ અને ઈઝરાયેલ વચ્ચે યુદ્ધ ચાલી રહ્યું છે.
આ સમાચાર પણ વાંચો : Israel- Hamas War: ઈઝરાયલ-હમાસ યુદ્ધ વચ્ચે દિલ્હીમાં હાઈ એલર્ટ.. સુરક્ષામાં પણ વધારો.. જાણો વધુ વિગતો વિગતે અહીં..
બોમ્બમારાના કારણે સ્થિતિ ભયાવહ બની ગઈ
આ યુદ્ધમાં અત્યાર સુધીમાં 1300થી વધુ ઈઝરાયેલના લોકો માર્યા ગયા છે, જ્યારે ગાઝામાં 1500થી વધુ પેલેસ્ટિનિયન માર્યા ગયા છે. આ સિવાય ઈઝરાયલે હમાસના 1500થી વધુ લડવૈયાઓને પણ માર્યા છે. ગાઝા પર સતત બોમ્બમારાના કારણે ત્યાંની સ્થિતિ ભયાવહ બની ગઈ છે. ઈઝરાયેલે ગાઝાના રહેવાસીઓને દક્ષિણ ભાગ તરફ આગળ વધવા કહ્યું છે. એવું માનવામાં આવે છે કે ઈઝરાયેલ હવે ઉત્તરી ગાઝા પર બોમ્બમારો કરવા જઈ રહ્યું છે.
212 ભારતીયો પરત ફર્યા
દરમિયાન, ભારત સરકારે ઈઝરાયેલમાં ફસાયેલા ભારતીયોને બચાવવા માટે ઓપરેશન અજય શરૂ કર્યું છે. આજે 212 ભારતીયોને ઈઝરાયેલના તેલ અવીવ એરપોર્ટથી દિલ્હીના ઇન્દિરા ગાંધી ઈન્ટરનેશનલ એરપોર્ટ પર લાવવામાં આવ્યા હતા. અહીં કેન્દ્રીય મંત્રી રાજીવ ચંદ્રશેખરે તેમનું સ્વાગત કર્યું હતું અને તેમના ખબર-અંતર પૂછ્યા હતા. તમને જણાવી દઈએ કે ગઈકાલે એટલે કે ગુરુવારે (12 ઓક્ટોબર) તેલ અવીવ એરપોર્ટથી 212 ભારતીયોને લઈને એક વિશેષ વિમાન રવાના થયું હતું.
