News Continuous Bureau | Mumbai
Paternity Leave: આજ સુધી તમે માતા બનવા પર મેટરનિટી લીવ (maternity leave) વિશે સાંભળ્યું હશે અને વાંચ્યું હશે. પરંતુ હવે એ જ તર્જ પર એક ફાર્મા કંપનીએ પિતા બનવા પર પેટરનિટી લીવ (Paternity Leave) ની પોલિસીને મંજૂરી આપી છે. આટલું જ નહીં, પિતાને પેટરનિટી લીવ (Paternity Leave) માં પૂરા 12 અઠવાડિયાની રજા આપવામાં આવશે. આ સમાચારથી પુરૂષ કર્મચારીઓમાં ખુશીની લહેર જોવા મળી રહી છે. મીડિયા રિપોર્ટ મુજબ, ફાઈઝર ઈન્ડિયા (Pfizer India) કંપની પેટરનિટી લીવ પોલિસી (paternity leave policy) લાગુ કરવાનો પ્લાન બનાવી રહી છે. પોલીસીને લાગુ કરવા માટે તમામ તૈયારીઓ પૂર્ણ કરી લેવામાં આવી છે.
2 વર્ષની અંદર મળશે રજા
મીડિયા રિપોર્ટ મુજબ, ફાઈઝર ઈન્ડિયા કંપનીમાં જેટલા કર્મચારીઓ કામ કરે છે. તે દરેકને કર્મચારીને પેટરનિટી લીવ (Paternity Leave) ની સુવિધાનો લાભ આપવામાં આવશે. એક કર્મચારી પિતા બન્યાના 2 વર્ષની અંદર પેટરનિટી લીવનો લાભ લઈ શકે છે. એટલું જ નહીં કંપનીએ તેના માટે કેટલાક નિયમો પણ બનાવ્યા છે. જો કોઈ કર્મચારી પેટરનિટી લીવનો ઉપયોગ કરે છે, તો એક સમયે ઓછામાં ઓછી 2 અઠવાડિયાની રજા લેવી પડશે. જેને વધારીને 6 અઠવાડિયા કરી શકાય છે. તેના માટે કંપનીએ માત્ર એક જ મેલ એન્ટર કરવાનો રહેશે. તમારા HOD તમારી રજા મંજૂર કરશે.
આ સમાચાર પણ વાંચો: આજનો દિવસ એટલે રાષ્ટ્રીય તેમજ ધાર્મિક તહેવારનો સુભગ સમન્વય છે.
પુરુષ કર્મચારીઓના હકમાં નિર્ણય
મળતી માહિતી મુજબ, અત્યાર સુધી કોઈ સંસ્થામાં પુરૂષો માટે રજા લેવાની કોઈ જોગવાઈ નથી. જ્યારે પિતા બનતાની સાથે તેમની ઘણી જવાબદારીઓ પણ વધી જાય છે. જણાવવામાં આવી રહ્યું છે કે કંપનીએ 1 જાન્યુઆરી 2023 થી આ પોલિસી પણ લાગુ કરી દીધી છે. એટલું જ નહીં, જો કોઈ કર્મચારી બાળકને દત્તક લે છે, તો બાયોલોજિકલ પેરેન્ટની સાથે તેમને પણ પેટરનિટી લીવનો લાભ આપવામાં આવશે.
