News Continuous Bureau | Mumbai

Electoral Bond: સુપ્રીમ કોર્ટની કડકાઈ બાદ સ્ટેટ બેંક ઓફ ઈન્ડિયા ( SBI ) એ ચૂંટણી પંચને ઈલેક્ટોરલ બોન્ડનો ડેટા સોંપી દીધો છે. હવે SBIએ આ મામલે સુપ્રીમ કોર્ટમાં એફિડેવિટ દાખલ કરી છે. SBIએ કોર્ટને કહ્યું છે કે ચૂંટણી બોન્ડ સંબંધિત વિગતો પંચને ઉપલબ્ધ કરાવવામાં આવી છે. 

SBIના CMD એ સુપ્રીમ કોર્ટને ( Supreme Court ) કહ્યું છે કે, તેમણે કોર્ટના આદેશનું પાલન કર્યું છે. SBI એ ઈલેક્ટોરલ બોન્ડની ખરીદી અને વેચાણ, તેના ખરીદદારોના નામ સહિત તમામ સંબંધિત માહિતી અંગે એક અહેવાલ તૈયાર કર્યો છે અને તે સમયસર પંચને પ્રદાન કરવામાં આવ્યો છે.

એસબીઆઈએ તેના સોગંદનામામાં કહ્યું છે કે, બેંકે પેનડ્રાઈવ અને બે પીડીએફ ફાઈલ દ્વારા સીલબંધ પરબિડીયુંમાં સમગ્ર સામગ્રી સોંપી દીધી છે, જે પાસવર્ડથી સુરક્ષિત છે. ઉપરાંત ચૂંટણી બોન્ડ જે કોઈપણ પક્ષને ચૂકવવામાં આવ્યા નથી. તેની રકમ પીએમ રિલીફ ફંડમાં જમા કરવામાં આવી છે.

  વર્ષ 2017માં કેન્દ્ર સરકારે ઈલેક્ટોરલ બોન્ડ સ્કીમની જાહેરાત કરી હતી…

આ એફિડેવિટમાં બેંકે ડેટા ( Electoral bond data ) દ્વારા જણાવ્યું છે કે, 1લી એપ્રિલ 2019થી 15મી ફેબ્રુઆરી 2024 સુધી કુલ 22217 ઈલેક્ટોરલ બોન્ડ વેચવામાં આવ્યા છે. જેમાંથી 22030 રિડીમ કરવામાં આવ્યા છે. જેમાંથી 187નું પેમેન્ટ લેવામાં આવ્યું નથી. દેખીતી રીતે, નિયમો અનુસાર, તેઓ પીએમ રાહત ફંડમાં જમા કરવામાં આવ્યા છે.

ઉલ્લેખનીય છે કે, આ પહેલા SBIએ સુપ્રીમ કોર્ટમાં ઈલેક્ટોરલ બોન્ડ સાથે જોડાયેલી માહિતી શેર કરવાની સમયમર્યાદા 30 જૂન સુધી વધારવાની અપીલ કરી હતી. પરંતુ કોર્ટે SBIની માંગને ફગાવી દીધી હતી અને તેને 12 માર્ચ સુધીમાં ચૂંટણી પંચ સાથે તમામ વિગતો શેર કરવા કહ્યું હતું.

આ સમાચાર પણ વાંચો : Hyderabad: હૈદરાબાદ રેસ્ટોરન્ટમાં મફત ‘હલીમ’ ઓફર કર્યા બાદ લોકોની ઉમટી ભારે ભીડ, પોલીસે લાઠીચાર્જ કર્યો..

આ અગાઉ, સુપ્રીમ કોર્ટે ઈલેક્ટોરલ બોન્ડ સ્કીમને ‘ગેરબંધારણીય’ ગણાવીને રદ કરી દીધી હતી. તેમજ SBIને 6 માર્ચ સુધીમાં ચૂંટણી પંચને તમામ વિગતો સબમિટ કરવા માટે કહેવામાં આવ્યું હતું. તેના પર SBIએ 30 જૂન સુધીનો સમય માંગ્યો હતો.

જો કે, સુપ્રીમ કોર્ટની પાંચ જજોની બેંચે SBIની માંગને ફગાવી દીધી છે અને 12 માર્ચ સુધીમાં ચૂંટણી પંચને તમામ વિગતો આપવાનો આદેશ આપ્યો છે. તેમજ ચૂંટણી પંચને ( Election Commission ) આ તમામ વિગતો 15 માર્ચે સાંજે 5 વાગ્યા સુધીમાં વેબસાઈટ પર અપલોડ કરવા માટે કહેવામાં આવ્યું છે.

નોંધનીય છે કે, વર્ષ 2017માં કેન્દ્ર સરકારે ઈલેક્ટોરલ બોન્ડ સ્કીમની જાહેરાત કરી હતી. તે 29 જાન્યુઆરી 2018 ના રોજ કાયદેસર રીતે લાગુ કરવામાં આવ્યું હતું. સરકારે કહ્યું કે આ યોજના ચૂંટણી દાનમાં ‘પારદર્શિતા’ વધારવા માટે લાવવામાં આવી છે.

 15 ફેબ્રુઆરીએ સુપ્રીમ કોર્ટે આ યોજનાને ગેરબંધારણીય જાહેર કરી હતી…

આમાં SBIની 29 શાખાઓમાંથી અલગ-અલગ રકમના ચૂંટણી બોન્ડ જારી કરવામાં આવ્યા હતા. જેમાં આ રકમ એક હજારથી લઈને એક કરોડ રૂપિયા સુધીની હોઈ શકે છે. તેમજ કોઈપણ તેને ખરીદી શકે છે અને તેની પસંદગીના રાજકીય પક્ષને આપી શકે છે.

જો કે, 2019 માં, ચૂંટણી બોન્ડ યોજનાની માન્યતાને સુપ્રીમ કોર્ટમાં પડકારવામાં આવી હતી. 15 ફેબ્રુઆરીએ સુપ્રીમ કોર્ટે આ યોજનાને ગેરબંધારણીય જાહેર કરી હતી. કોર્ટે કહ્યું હતું કે ચૂંટણી બોન્ડને ગોપનીય રાખવું એ બંધારણની કલમ 19(1) અને માહિતીના અધિકારનું ઉલ્લંઘન છે.

સુપ્રીમ કોર્ટે કહ્યું કે ઈલેક્ટોરલ બોન્ડ સ્કીમનો ક્લોઝ 7 જણાવે છે કે બોન્ડ ખરીદનારાઓની માહિતીને ગોપનીય રાખવામાં આવશે, પરંતુ કોર્ટ અથવા કાનૂની એજન્સીઓની માંગ પર તેનો ખુલાસો કરી શકાય છે.

તેથી, ઈલેક્ટોરલ બોન્ડ સ્કીમની જોગવાઈઓ મુજબ, SBI એ કોર્ટના આદેશ પર તેની માહિતી જાહેર કરવી જરૂરી છે.

આ સમાચાર પણ વાંચો : Rameshwaram Cafe Blast Case: બેંગલુરુ બ્લાસ્ટ કેસમાં NIA ને મોટી સફળતા, બ્લાસ્ટના મુખ્ય આરોપીની ધરપકડ..