News Continuous Bureau | Mumbai
Ban vs Pak: બાંગ્લાદેશે પાકિસ્તાન સામેની બે ટેસ્ટ મેચની શ્રેણીમાં સતત બંને ટેસ્ટ જીતીને અને શ્રેણી પર કબજો કરીને ઈતિહાસ રચ્યો છે. બાંગ્લાદેશે બીજી ટેસ્ટમાં પાકિસ્તાનને 6 વિકેટે હરાવ્યું હતું. આ સાથે બાંગ્લાદેશે બે મેચની ટેસ્ટ શ્રેણી પણ 2-0થી જીતી લીધી છે. બાંગ્લાદેશે પ્રથમ વખત પાકિસ્તાન સામે ટેસ્ટ શ્રેણી જીતી છે. બાંગ્લાદેશની આ ઐતિહાસિક જીતમાં મહેંદી હસન મેરાજ, લિટન દાસ, હસન મહેમૂદ અને નાહિદ રાણાએ મહત્વની ભૂમિકા ભજવી હતી.
Ban vs Pak: પાકિસ્તાને 185 રનનો ટાર્ગેટ આપ્યો
આજે રાવલપિંડીમાં રમાયેલી બીજી મેચમાં યજમાન પાકિસ્તાને 185 રનનો ટાર્ગેટ આપ્યો હતો. બાંગ્લાદેશે મેચના અંતિમ દિવસે 4 વિકેટ ગુમાવીને આ સિદ્ધિ મેળવી હતી. પ્રથમ મેચ 10 વિકેટથી જીતનારી ટીમે પાકિસ્તાનને પ્રથમ વખત ટેસ્ટ મેચમાં હરાવ્યું એટલું જ નહીં બીજી મેચ જીતીને ક્લીન સ્વીપ પણ કર્યું.
આ સમાચાર પણ વાંચો : IC-814 series row : IC814 વિવાદ પર સરકારે કરી લાલ આંખ, Netflixએ સરકારને આપી આ ખાતરી..
Ban vs Pak: બાંગ્લાદેશે રચ્યો ઈતિહાસ
ટેસ્ટ ઈતિહાસમાં પહેલીવાર બાંગ્લાદેશે પાકિસ્તાન સામે સિરીઝ જીતી છે. આ પહેલા બાંગ્લાદેશે પાકિસ્તાનને પ્રથમ વખત ટેસ્ટ મેચમાં 10 વિકેટથી હરાવવાનું કારનામું કર્યું હતું. હવે બીજી મેચ પણ જીતીને આ ટીમે ક્લીન સ્વીપ કરીને ઈતિહાસ રચ્યો છે.
