News Continuous Bureau | Mumbai
Suryakumar Yadav Buys Dubai House ભારતીય ક્રિકેટ ટીમના વિસ્ફોટક સ્ટાર બેટ્સમેન સૂર્યકુમાર યાદવે (Suryakumar Yadav) દુબઈમાં મોટું રિયલ એસ્ટેટ રોકાણ કરીને નવું આલીશાન ઘર ખરીદી લીધું છે; ડેન્યૂબ પ્રોપર્ટીઝ (Danube Properties) ના લક્ઝુરિયસ પ્રોજેક્ટમાં રોકાણ કર્યા બાદ સૂર્યા હવે બોલિવૂડના કિંગ ખાન એટલે કે શાહરૂખ ખાનના (Shah Rukh Khan) પાડોશી બની ગયા છે, જેની માહિતી તેમણે પોતે સોશિયલ મીડિયા પર શેર કરી છે.
Suryakumar Yadav Buys Dubai House – પત્ની દેવિશા સાથે પ્રોપર્ટી પેપર્સ સાઇન કર્યા
મેદાન પર ૩૬૦ ડિગ્રી શોટ્સ ફટકારવા માટે જાણીતા સૂર્યકુમાર યાદવે પોતાના ઓફિશિયલ ઇન્સ્ટાગ્રામ હેન્ડલ પરથી એક ખુશનુમા વિડીયો શેર કરીને ચાહકોને આ ખુશખબર આપી છે. વિડીયોમાં સૂર્યા પોતાની પત્ની દેવિશા શેટ્ટી સાથે પ્રોપર્ટીના સત્તાવાર દસ્તાવેજો પર સહી કરતા જોવા મળી રહ્યા છે. પેપર્સ સાઇન કરતી વખતે બંને વચ્ચે હસી-મજાક પણ જોવા મળી હતી. ક્રિકેટરે જણાવ્યું કે તેમણે ડેન્યૂબ ગ્રુપના પ્રતિષ્ઠિત પ્રોજેક્ટ ‘શાહરૂખ્સ રેસિડેન્સ બાય ડેન્યૂબ’ (Sharukhz Residences by Danube) માં આ ઘર ખરીદ્યું છે, જે દુબઈ મેરીટાઇમ સિટીના પ્રાઇમ લોકેશન પર સ્થિત વોટરફ્રન્ટ પ્રોપર્ટી છે.
Suryakumar Yadav Buys Dubai House – ૪૦ થી વધુ લક્ઝરી સુવિધાઓ અને ‘લોન્ગિવિટી લાઉન્જ’
આ આલીશાન રેસિડેન્શિયલ પ્રોજેક્ટમાં રહેવાસીઓ માટે ૪૦ થી વધુ અત્યાધુનિક અને વૈભવી સુવિધાઓ ઉપલબ્ધ કરાવવામાં આવી છે. સૂર્યકુમારે પોતાના કેપ્શનમાં આ સુવિધાઓની પ્રશંસા કરતાં લખ્યું કે, તમામ વર્લ્ડ ક્લાસ એમિનિટીઝ શાનદાર છે, પરંતુ જે ફીચરે તેમનું સૌથી વધુ દિલ જીતી લીધું તે અહીં આવેલું ‘લોન્ગિવિટી લાઉન્જ’ (Longevity Lounge) છે. કોઈપણ રહેણાંક પ્રોજેક્ટમાં આવા પ્રકારની આધુનિક હેલ્થ અને વેલનેસ સુવિધા અગાઉ ક્યારેય જોવા મળી નથી. સમુદ્ર કિનારે બનેલો આ સ્માર્ટ લક્ઝરી ટાવર આંતરરાષ્ટ્રીય સ્તરની જીવનશૈલી પૂરી પાડે છે.
भारतीय star बल्लेबाज़ Surya Kumar Yadav ने Dubai के अंदर 5 crore रूपए का luxury flat ख़रीदा है।
जो Shahrukh Khan अपार्टमेंट पास पड़ता है, यानी अब SKY/SK दोनों पड़ोसी बन चुके हैं।
जब से Surya Kumar को India team से captain पद से हटाया हैं, अब Dubai में……1/2 https://t.co/6FAOxfVKNy
— BHUMI (@Bhumika_2024) October 16, 2026
Suryakumar Yadav Buys Dubai House – દુબઈમાં શા માટે ખરીદ્યું આલીશાન ઘર?
દુબઈમાં ઘર ખરીદવા પાછળનું કારણ જણાવતાં સૂર્યાએ કહ્યું કે તેઓ આઈપીએલ (IPL) દરમિયાન વર્ષ ૨૦૧૪માં પ્રથમવાર દુબઈ આવ્યા હતા અને ત્યાર બાદ ૨૦૨૦માં પણ લાંબો સમય ત્યાં રોકાયા હતા. હાલમાં આખું ભારત દુબઈ તરફ આકર્ષાઈ રહ્યું છે, કારણ કે અહીંની લક્ઝરી અને જીવન જીવવાની રીત અદભૂત છે. સુરક્ષાના મામલે પણ દુબઈ વિશ્વના શ્રેષ્ઠ શહેરો પૈકીનું એક છે અને ત્યાં પહોંચતાં જ અનોખી શાંતિ અને પોઝિટિવિટી મળે છે. આ ખરીદી સાથે જ સૂર્યકુમાર દુબઈમાં પોતાની લક્ઝરી પ્રોપર્ટી ધરાવતા ટોચના ભારતીય સેલિબ્રિટીઝની યાદીમાં સામેલ થઈ ગયા છે.
👉 આ સમાચાર વાચો:
Election Commission Bows To Outrage Over SIR સુપ્રીમ કોર્ટની ફટકાર બાદ ઝૂક્યું ચૂંટણી પંચ, ૨૪ કલાકની અંદર બદલી નાખ્યા બે મોટા નિયમો..
