News Continuous Bureau | Mumbai
Awarapan 2 Teaser બોલિવૂડના જાણીતા અભિનેતા ઈમરાન હાશ્મીના ચાહકો માટે એક બહુ મોટા અને ઉત્સાહજનક સમાચાર સામે આવ્યા છે. વર્ષ ૨૦૦૭માં આવેલી બોલિવૂડની સુપરહિટ કલ્ટ ક્લાસિક ફિલ્મ ‘આવારાપન’ ની સિક્વલની આતુરતાથી રાહ જોઈ રહેલા દર્શકોની પ્રતીક્ષાનો આખરે અંત આવ્યો છે. પ્રોડક્શન હાઉસ વિશેષ ફિલ્મ્સ દ્વારા સત્તાવાર રીતે ‘આવારાપન ૨’ (Awarapan 2) નું શાનદાર ટીઝર સોશિયલ મીડિયા પર લોન્ચ કરવામાં આવ્યું છે. ૧૯ વર્ષના લાંબા સમય બાદ આવી રહેલી આ સિક્વલમાં ઈમરાન હાશ્મીની સાથે અદભુત એક્ટ્રેસ દિશા પાટની મુખ્ય હિરોઈન તરીકે જોવા મળશે, જેણે દર્શકોમાં ફિલ્મ પ્રત્યેનો ક્રેઝ બમણો કરી દીધો છે.
Awarapan 2 Teaser – ઇન્સ્ટાગ્રામ પર મેકર્સે શેર કર્યું ટીઝર; કેપ્શનમાં લખ્યું – ‘શિવમ પાછો આવી ગયો છે’
નિર્માતા કંપની વિશેષ ફિલ્મ્સ (Vishesh Films) દ્વારા પોતાના સત્તાવાર ઇન્સ્ટાગ્રામ હેન્ડલ પર આગામી ફિલ્મ ‘આવારાપન ૨’ નું ફર્સ્ટ ઓફિશિયલ ટીઝર શેર કરવામાં આવ્યું છે. આ ટીઝર વીડિયો શેર કરવાની સાથે તેમણે કેપ્શનમાં ભાવુક અંદાજમાં લખ્યું કે, “૧૯ વર્ષ લાંબી પ્રતીક્ષા બાદ આખરે આવારાપન ૨ માટેની રાહ હવે ખતમ થઈ છે. આપણો શિવમ પાછો આવી ગયો છે.” ઉલ્લેખનીય છે કે, પહેલી ફિલ્મમાં ઈમરાન હાશ્મીના ‘શિવમ’ ના પાત્રને દર્શકો દ્વારા ભારે લોકપ્રિયતા અને પ્રશંસા મળી હતી, જે આ વખતે વધુ પાવરફુલ અંદાજમાં મોટા પડદા પર કમબેક કરી રહ્યું છે.
Awarapan 2 Teaser – ‘વાર્તા બીજા માટે લખાય છે…’ દમદાર ડાયલોગ અને એક્શન સાથે શબાના આઝમીની ઝલક
સોશિયલ મીડિયા પર વાયરલ થઈ રહેલા ‘આવારાપન ૨’ ના આ ટીઝરની શરૂઆત એક અત્યંત જોરદાર અને ગંભીર ડાયલોગથી થાય છે – “કેટલાક લોકોની વાર્તાઓ તેમની પોતાની મરજીથી ખતમ નથી થતી, તેમની વાર્તા બીજા લોકો માટે લખવામાં આવે છે.” આ ડાયલોગ બેકગ્રાઉન્ડમાં વાગતાની સાથે જ ઈમરાન હાશ્મીને હવામાં ફ્લાઈંગ કિક્સ અને હેવી ગનફાઈટ સાથે જબરદસ્ત એક્શન સિક્વન્સ (Action Avatar) કરતો બતાવવામાં આવ્યો છે. આ સિવાય ટીઝરમાં દિશા પાટનીની ખૂબ જ સુંદર ઝલક સાથે પીઢ અભિનેત્રી શબાના આઝમીનામહત્વપૂર્ણ પાત્રનો પણ ટચ બતાવવામાં આવ્યો છે, જે ફિલ્મના પ્લોટને મજબૂત બનાવે છે.
Awarapan 2 Teaser – ૧૪ ઓગસ્ટ ૨૦૨૬ના રોજ થિયેટરોમાં ધમાકો કરશે ફિલ્મ, અક્ષય અને સૈફની ‘હૈવાન’ સાથે ટક્કરની શક્યતા
ઈમરાન હાશ્મીની આ મોસ્ટ અવેટેડ ફિલ્મ ‘આવારાપન ૨’ આગામી ૧૪ ઓગસ્ટ ૨૦૨૬ ના રોજ દેશભરના સિનેમાઘરોમાં રિલીઝ થવા માટે સંપૂર્ણ તૈયાર છે. સ્વતંત્રતા દિવસના લાંબા વીકેન્ડનો લાભ લેવા માટે મેકર્સે આ તારીખ પસંદ કરી છે. જો કે, બોક્સ ઓફિસ પર આ સમયે જોરદાર ક્લેશ જોવા મળી શકે છે, કારણ કે આ જ ગાળા દરમિયાન અક્ષય કુમાર અને સૈફ અલી ખાનની ૧૮ વર્ષ પછી સાથે આવી રહેલી ‘હૈવાન’ પણ થિયેટરોમાં રિલીઝ થવાની છે. આ ઉપરાંત દિશા પાટનીની અન્ય એક મોટી મલ્ટિસ્ટારર ફિલ્મ ‘વેલકમ ટુ ધ જંગલ’ (Welcome 3) ની અગાઉની બીટીએસ તસવીરો પણ ઇન્ટરનેટ પર ચર્ચાનો વિષય બની છે.
👉 આ સમાચાર વાચો:
Alpha Song Video સ્ક્રીન પર આગ લગાવવા તૈયાર છે આલિયા અને શર્વરી! ફિલ્મ ‘આલ્ફા’ના ગીતનો નવો વીડિયો જોઈને ફેન્સ થયા ક્રેઝી
