News Continuous Bureau | Mumbai
Neena gupta: પીઢ અભિનેત્રી નીના ગુપ્તા તેની સ્પષ્ટવક્તા શૈલી માટે જાણીતી છે. તે સોશિયલ મીડિયા પર ખૂબ જ એક્ટિવ છે અને ફેન્સ સાથે રસપ્રદ પોસ્ટ શેર કરતી રહે છે. તાજેતરમાં નીના ગુપ્તા ને બરેલી એરપોર્ટના આરક્ષિત વીઆઈપી લોન્જમાં એન્ટ્રી ન મળતા પોતાની નારાજગી વ્યક્ત કરતા તેને ઈન્સ્ટાગ્રામ પર એક વીડિયો પોસ્ટ કરીને આ માહિતી શેર કરી છે.
નીના ગુપ્તા એ શેર કર્યો વિડીયો
વીડિયોમાં નીનાએ કહ્યું છે, ‘હેલો! હું બરેલી એરપોર્ટ પરથી બોલી રહી છું. આ એ જ આરક્ષિત લાઉન્જ છે જ્યાં હું એકવાર આવીને બેઠી હતી પણ આજે મને મંજૂરી આપવામાં આવી ન હતી. મને લાગ્યું કે આ આરક્ષિત લાઉન્જ VIP માટે છે. અને હું પણ VIP છું. પરંતુ, હું હજુ સુધી VIP બની નથી. VIP બનવા માટે તમારે ઘણી મહેનત કરવી પડશે. તે સારું છે કે હું આ બહાને સખત મહેનત કરીશ. આભાર.’ નીનાની આ પોસ્ટ ઝડપથી વાયરલ થઈ ગઈ. સોશિયલ મીડિયા યુઝર્સ આ અંગે સતત કોમેન્ટ કરી રહ્યા છે.
નીના ગુપ્તા ના મામલા માં એરપોર્ટ ડાયરેક્ટર નું નિવેદન
મીડિયા રિપોર્ટ અનુસાર આ અંગે બરેલી એરપોર્ટના ડાયરેક્ટર એ કહ્યું કે ‘અભિનેત્રી નીના ગુપ્તાના બરેલીમાં આગમન અંગે કોઈ માહિતી નહોતી. VIP લોન્જની બહાર કેન્દ્ર સરકાર દ્વારા બહાર પાડવામાં આવેલ VIPની યાદી છે. નીના ગુપ્તાનું નામ આ યાદીમાં નથી. જો તે મને મળી હોત તો મેં તેને વીઆઈપી ટ્રીટમેન્ટ આપવાનો પૂરો પ્રયાસ કર્યો હોત. જો કે, જ્યારે કોઈ VIP આવે છે, ત્યારે તેની માહિતી પહેલાથી જ એરપોર્ટ પર મોકલવામાં આવે છે.’ તમને જણાવી દઈએ કે,નીના ગુપ્તા રજાઓ ગાળવા ઉત્તરાખંડના મુક્તેશ્વર ગઈ હતી. બુધવારે તેને બરેલીથી મુંબઈની ફ્લાઈટ પકડવાની હતી જે દરમિયાન આ ઘટના બની હતી.
આ સમાચાર પણ વાંચો : Gayatri joshi car accident: શાહરુખ ખાન ની ફિલ્મ થી ડેબ્યુ કરનાર આ અભિનેત્રી નો થયો કાર અકસ્માત, લાઈવ વિડીયો થયો વાયરલ
