News Continuous Bureau | Mumbai
Gaurav Khanna: ‘બિગ બોસ 19’ ની ટ્રોફી જીત્યા બાદ અભિનેતા ગૌરવ ખન્નાના સિતારા બુલંદી પર છે. વર્ષ 2026 ની શરૂઆત તેના માટે ખૂબ જ ધમાકેદાર રહી છે. બિગ બોસના ઘરની બહાર આવ્યા બાદ માત્ર તેની લોકપ્રિયતા જ નથી વધી, પરંતુ હવે તેના હાથમાં એક એવો પ્રોજેક્ટ આવ્યો છે જેને તે પોતાના કરિયરનું ‘સૌભાગ્ય’ માની રહ્યો છે. ગૌરવને આ વર્ષે પ્રતિષ્ઠિત ‘રિલાયન્સ ફેમિલી શો’ હોસ્ટ કરવાની મોટી તક મળી છે.
આ સમાચાર પણ વાંચો : YRKKH Upcoming Leap: ‘યે રિશ્તા ક્યા કહેલાતા હૈ’ માં આવશે ૭ વર્ષનો લીપ: અભીરા-અરમાનની વિદાય? આ સ્ટાર હશે શોની નવી લીડ એક્ટ્રેસ
40 હજાર લોકોની ભીડ અને ઘોડા પર એન્ટ્રી
ગૌરવ ખન્નાએ પોતાની સત્તાવાર યુટ્યુબ ચેનલ દ્વારા આ ખાસ પ્રોજેક્ટની માહિતી ચાહકો સાથે શેર કરી છે. તેણે જણાવ્યું કે આ ઇવેન્ટની તૈયારી કોઈ મોટી પરીક્ષા જેવી છે કારણ કે તેની સ્ક્રિપ્ટ ખૂબ લાંબી છે. આ મેગા ઇવેન્ટની ખાસિયત એ હશે કે ગૌરવ સ્ટેજ પર સામાન્ય રીતે નહીં, પરંતુ ઘોડા પર સવાર થઈને ગ્રાન્ડ એન્ટ્રી લેશે. આ શો બે ભાગમાં હશે અને દરેક શો દરમિયાન લગભગ 40 હજાર લોકોની ભારે ભીડ હાજર રહેશે.ગૌરવે ખુલાસો કર્યો કે તે રિલાયન્સના તે વિશેષ કાર્યક્રમને હોસ્ટ કરી રહ્યો છે, જે દર વર્ષે દિગ્ગજ ઉદ્યોગપતિ ધીરુભાઈ અંબાણીના જન્મદિવસ નિમિત્તે આયોજિત કરવામાં આવે છે. ગૌરવના જણાવ્યા અનુસાર, આ શો માટે તેને પહેલા પણ એપ્રોચ કરવામાં આવ્યો હતો, પરંતુ કોઈ કારણોસર ત્યારે વાત બની શકી નહોતી. હવે બિગ બોસની જીત બાદ તરત જ આ તક મળવી તેના માટે કોઈ સપનું સાચું થવા જેવું છે.
જોકે આ શો ટીવી પર ટેલિકાસ્ટ કરવામાં આવશે નહીં, પરંતુ ગૌરવ તેને પોતાની સૌથી મોટી વ્યક્તિગત સિદ્ધિઓમાંથી એક માની રહ્યો છે. બિગ બોસ જીત્યા બાદ ગૌરવની યુટ્યુબ ચેનલ પણ ખૂબ ચર્ચામાં રહી છે, જે શરૂઆતમાં ટેકનિકલ સમસ્યાઓના કારણે બંધ થઈ ગઈ હતી, પરંતુ હવે ત્યાં તેના સબ્સ્ક્રાઇબર્સ ઝડપથી વધી રહ્યા છે. રિલાયન્સ જેવી મોટી બ્રાન્ડ સાથે જોડાવું ગૌરવના કરિયરને એક નવી દિશા આપી શકે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
