News Continuous Bureau | Mumbai
Dhurandhar 2: વર્ષ 2026 ની સૌથી વધુ રાહ જોવાતી ફિલ્મોમાંની એક ‘ધુરંધર 2: ધ રિવેન્જ’ 19 માર્ચે સિનેમાઘરોમાં દસ્તક દેવા જઈ રહી છે. આ ફિલ્મનું પહેલા ભાગે વિશ્વભરમાં 1347 કરોડથી વધુની કમાણી કરીને ઈતિહાસ રચ્યો છે. હવે બીજા ભાગના બજેટને લઈને બે પ્રકારની વાતો વહેતી થઈ છે: એક તરફ તેને 250 કરોડની મોંઘી ફિલ્મ કહેવાય છે, તો બીજી તરફ તેને ‘ઝીરો બજેટ’ ફિલ્મ માનવામાં આવે છે. વાસ્તવમાં, આદિત્ય ધરે ‘ધુરંધર’ ના બંને ભાગ એકસાથે જ શૂટ કર્યા હતા, જેની કુલ લંબાઈ 7 કલાકની હતી. આ શૂટિંગ પાછળ અંદાજે 225 થી 280 કરોડનો ખર્ચ થયો હતો. ફિલ્મને બે ભાગમાં વહેંચીને રિલીઝ કરવાનો નિર્ણય માસ્ટરસ્ટ્રોક સાબિત થયો છે, કારણ કે પહેલા ભાગની કમાણીએ જ તમામ ખર્ચ કાઢી લીધો છે.
આ સમાચાર પણ વાંચો : Mardaani 3 Box Office Collection Day 6: ‘મર્દાની 3’ ની બોક્સ ઓફિસ પર ધીમી રફ્તાર: છઠ્ઠા દિવસે કમાણીમાં મોટો ઘટાડો; જાણો રાની મુખર્જીની ફિલ્મનું અત્યાર સુધીનું કલેક્શન
કેમ કહેવાય છે ‘ઝીરો બજેટ’ ફિલ્મ?
ટ્રેડ નિષ્ણાતોના વિશ્લેષણ મુજબ, ‘ધુરંધર 2’ હવે બોક્સ ઓફિસ પર સંપૂર્ણપણે સુરક્ષિત માનવામાં આવી રહી છે, કારણ કે ફિલ્મના મેકર્સ માટે હવે કોઈ મોટું આર્થિક જોખમ બાકી રહ્યું નથી. આ ફિલ્મની રિલીઝ પહેલા જ તેની કમાણીના આંકડાઓ ચોંકાવનારા છે, જેમાં જિયો હોટસ્ટારે ‘ધુરંધર 2’ ના ડિજિટલ રાઈટ્સ અધધ 150 કરોડમાં ખરીદ્યા છે, જ્યારે ટી-સીરીઝે તેના મ્યુઝિક રાઈટ્સ માટે 50 થી 60 કરોડની મોટી રકમ ચૂકવી છે. નોંધનીય છે કે ‘ધુરંધર 1’ એ અગાઉ જ તેના ખર્ચ કરતા અનેકગણી કમાણી કરીને મેકર્સની તિજોરી ભરી દીધી હતી. આમ, ઓટીટી અને મ્યુઝિક રાઈટ્સના સોદા દ્વારા નિર્માતાઓ રિલીઝ પહેલા જ તગડો નફો મેળવી ચૂક્યા છે, જેના કારણે હવે થિયેટરમાં વેચાનારી દરેક ટિકિટ સીધો ફિલ્મના પ્રોફિટમાં જ ગણાશે.
View this post on Instagram
જોકે, ફિલ્મને સંપૂર્ણપણે ફ્રી ન કહી શકાય. પહેલા ભાગની લોકપ્રિયતાને જોઈને મેકર્સ પર બીજા ભાગને વધુ ભવ્ય બનાવવાનું દબાણ છે. અહેવાલો મુજબ, બીજા ભાગમાં યામી ગૌતમ સહિત કેટલાક નવા પાત્રો ઉમેરવામાં આવ્યા છે. આ ઉપરાંત, ફિલ્મના પોસ્ટ-પ્રોડક્શન, હાઈ-લેવલ VFX અને માર્કેટિંગ પાછળ અંદાજે 250 કરોડનો પ્રોવિઝનલ ખર્ચ બતાવવામાં આવી રહ્યો છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
