News Continuous Bureau | Mumbai
Dhurandhar 2 Censorship: રણવીર સિંહ સ્ટારર ફિલ્મ ‘ધુરંધર 2’ ની સેન્સરશિપને લઈને ચાલી રહેલી ચર્ચાએ હવે નવો વળાંક લીધો છે. ફિલ્મના મેકર્સે થિયેટરોમાં ચાલી રહેલી નવી પ્રિન્ટમાં વધારાના અપશબ્દોને મ્યૂટ કરવાનો નિર્ણય લીધો છે. સેન્ટ્રલ બોર્ડ ઓફ ફિલ્મ સર્ટિફિકેશન (CBFC) દ્વારા અગાઉ અપાયેલી આંશિક સેન્સરશિપની ટીકા અને પ્રેક્ષકોની મૂંઝવણ બાદ આ ફેરફાર કરવામાં આવ્યો છે. જોકે આ ફિલ્મ પહેલાથી જ સેન્સર બોર્ડ દ્વારા ક્લિયર કરવામાં આવી હતી, પરંતુ ઓનલાઈન પ્લેટફોર્મ પર અપશબ્દોની અસંગતતા અંગે પ્રશ્નો ઉભા થયા હતા.મીડિયા રિપોર્ટ મુજબ, પ્રેક્ષકો તરફથી પ્રતિસાદ મળ્યો હતો કે ફિલ્મમાં અપશબ્દો નો ઉપયોગ ઘણો વધારે છે, જેના કારણે કેટલાક દર્શકો અસ્વસ્થતા અનુભવતા હતા. આ બાબતને ધ્યાનમાં લઈને, જોવાનો અનુભવ સુધારવા માટે કેટલાક વધુ શબ્દો મ્યૂટ કરવામાં આવ્યા છે.
આ સમાચાર પણ વાંચો : Chand Mera Dil First Look: પ્રેમ, દર્દ અને અધૂરી વાર્તા? ‘ચાંદ મેરા દિલ’માં જોવા મળશે અનન્યા-લક્ષ્યની જોડી, સોશિયલ મીડિયા પર પોસ્ટ વાયરલ
સંજય દત્તના સીન્સમાં પણ ફેરફાર
ખાસ કરીને સંજય દત્ત ના ગેંગ વોર સીન અને અન્ય પાત્રોના સંવાદોમાં સૂક્ષ્મ ફેરફાર કરવામાં આવ્યા છે. જોકે, મેકર્સનું કહેવું છે કે આ ફેરફારો ખૂબ જ નાના છે અને કદાચ સામાન્ય દર્શકોને તરત જ ખ્યાલ પણ નહીં આવે. અગાઉ રિલીઝ સમયે દર્શકોએ નોંધ્યું હતું કે એક જ સીનમાં કેટલાક અપશબ્દો મ્યૂટ હતા તો કેટલાક એમનેમ રાખવામાં આવ્યા હતા, જેનાથી સર્ટિફિકેશન પ્રક્રિયા સામે સવાલો ઉઠ્યા હતા.
આ તમામ વિવાદો છતાં, ‘ધુરંધર: ધ રિવન્જ’ બોક્સ ઓફિસ (Box Office) પર શાનદાર પ્રદર્શન કરી રહી છે. રણવીર સિંહની આ ફિલ્મે માત્ર 18 દિવસમાં ભારતમાં 1,000 કરોડ રૂપિયાનો આંકડો વટાવી દીધો છે. અહેવાલો મુજબ, ફિલ્મનું વૈશ્વિક કલેક્શન 1,600 કરોડ રૂપિયાને પાર કરી ગયું છે, જે એક મોટો રેકોર્ડ છે.આદિત્ય ધર દ્વારા લિખિત, દિગ્દર્શિત અને નિર્મિત આ ફિલ્મમાં અર્જુન રામપાલ, આર માધવન અને સંજય દત્ત જેવા દિગ્ગજ કલાકારો છે. ફિલ્મની લંબાઈ અને તેમાં કરાયેલા એડિટ્સ (Edits) વિશે પણ સોશિયલ મીડિયા પર ઘણી ચર્ચા થઈ હતી. મદ્રાસ હાઈકોર્ટે પણ આ ફિલ્મની ગેરકાયદેસર સ્ટ્રીમિંગ સામે કડક આદેશો જારી કર્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
