News Continuous Bureau | Mumbai
Dhurandhar Movie Ticket Offer: વર્ષ 2025 ની સૌથી મોટી હિટ ફિલ્મ સાબિત થયેલી રણવીર સિંહ સ્ટારર ‘ધુરંધર’ હવે સામાન્ય જનતાના ખિસ્સાને પરવડે તેવા ભાવે જોવા મળશે. રિલીઝના અનેક અઠવાડિયા સુધી હાઉસફુલ શો અને મોંઘી ટિકિટો બાદ, હવે મેકર્સે ફિલ્મની ટિકિટના ભાવમાં મોટો ઘટાડો કરવાની જાહેરાત કરી છે. જોકે, આ ઓફર સાથે એક ખાસ શરત પણ જોડાયેલી છે.
આ સમાચાર પણ વાંચો : Naagin 7 Twist: ‘નાગિન 7’ શરૂ થતાની સાથે જ મોટો ઝટકો! પહેલા જ અઠવાડિયે મુખ્ય અભિનેતાની એક્ઝિટ; અનંતાના જીવનમાં ઝેર ઘોળવા આવશે નવી ‘નાગિન’
માત્ર 199 માં માણો ‘ધુરંધર’નો આનંદ
ફિલ્મનું પ્રોડક્શન હાઉસ જીયો સ્ટુડિયોઝ દ્વારા સોશિયલ મીડિયા પર જાહેરાત કરવામાં આવી છે કે, ‘ધુરંધર’ની ટિકિટ હવે માત્ર 199 માં ઉપલબ્ધ થશે. ટ્વિટમાં લખ્યું છે કે, “આ ધમાકેદાર ઓફરને હાથથી જવા ન દો, ટિકિટ માત્ર આજે જ 199 થી શરૂ થશે.” ઉલ્લેખનીય છે કે શરૂઆતમાં આ ફિલ્મની ટિકિટો 2500 સુધીના ભાવે વેચાઈ હતી, જ્યારે સરેરાશ ભાવ 250 થી 300 રહ્યો હતો.
આ બમ્પર ઓફર સાંભળવામાં જેટલી આકર્ષક છે, તેની સાથે એક ટ્વિસ્ટ પણ છે. મેકર્સે સ્પષ્ટ કર્યું છે કે આ 199 વાળી ઓફર માત્ર મર્યાદિત સમય માટે જ છે. આ ઉપરાંત, આ ડિસ્કાઉન્ટ માત્ર પસંદગીના મલ્ટીપ્લેક્સ અને સિનેમાઘરોમાં જ લાગુ પડશે. આ ઓફરનો મુખ્ય હેતુ એવા પ્રેક્ષકોને થિયેટર સુધી ખેંચવાનો છે જેઓ મોંઘી ટિકિટોને કારણે હજુ સુધી ફિલ્મ જોઈ શક્યા નથી.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
