News Continuous Bureau | Mumbai
Diljit Dosanjh notice : હાલના દિવસોમાં પંજાબી સિંગર અને એક્ટર દિલજીત દોસાંઝ તેમના મ્યુઝિક કોન્સર્ટ દિલ લ્યુમિનાટી ટુરને કારણે ચર્ચામાં છે. તાજેતરમાં તેણે દિલ્હી અને જયપુરમાં શો કર્યો હતો. તેના સંગીત કાર્યક્રમમાં હજારો લોકો આવ્યા હતા. તેમની આગામી કોન્સર્ટ આજે (15 નવેમ્બર) હૈદરાબાદમાં યોજાવાની હતી. પરંતુ આ પહેલા જ તે વિવાદોમાં ફસાયો છે.
Diljit Dosanjh notice : આવા ગીતો ન ગાવાની સૂચના
કોન્સર્ટ શરૂ થાય તે પહેલા જ તેલંગણા સરકારે દિલજીત દોસાંજને નોટિસ મોકલી છે. આ નોટિસમાં ગાયકને આલ્કોહોલ, ડ્રગ્સ અને હિંસાને પ્રોત્સાહન આપતા ગીતો ન ગાવાની સૂચના આપવામાં આવી છે. પંજાબી ભાષાના પ્રમોશનની હિમાયત કરતી ચંદીગઢના રહેવાસીની ફરિયાદ બાદ દિલજીતને આ નોટિસ મોકલવામાં આવી છે.
Diljit Dosanjh notice : બાળકોને સ્ટેજ પર લાવવા પર રોક
તેલંગાણા સરકારે ઈવેન્ટના આયોજકોને નોટિસ મોકલી છે. આ નોટિસ અનુસાર, બાળકોને સ્ટેજ પર લાવવા પર રોક લગાવવામાં આવી છે કારણ કે WHOની માર્ગદર્શિકા અનુસાર, ઉચ્ચ અવાજનું સ્તર બાળકો માટે સલામત નથી. આ ઉપરાંત દિલજીતને પટિયાલા પેગ, પંજ તારા જેવા શરાબ, ડ્રગ્સ અને હિંસાવાળા ગીતો ન ગાવા માટે પણ કહેવામાં આવ્યું છે.
આ સમાચાર પણ વાંચો : Diljit dosanjh: દિલજિત દોસાંજ ની કોન્સર્ટમાં ચોરો ની હાથચાલાકી, અધધ આટલી નોંધાઈ એફઆઈઆર, જાણો સમગ્ર મામલો
આ નોટિસમાં સરકારે પુરાવા તરીકે દિલજીત દોસાંઝનો જુનો વીડિયો કોન્સર્ટનો વીડિયો પણ શેર કર્યો છે. આમાં તે આલ્કોહોલ અને ડ્રગ્સ સાથે જોડાયેલા ગીતો ગાતો જોવા મળે છે.
