News Continuous Bureau | Mumbai
Aishwarya rai bachchan: ઐશ્વર્યા રાય બચ્ચન તાજેતરમાં રેડ સી ફિલ્મ ફેસ્ટિવલમાં જોવા મળી હતી, જ્યાં તેણે પોતાના કરિયર અને પ્રવાસ વિશે ખુલીને વાત કરી. વાતચીત દરમિયાન તેણે સ્પષ્ટ કર્યું કે તેની પુત્રી આરાધ્યા બચ્ચન સોશિયલ મીડિયા પર નથી. તેણે જણાવ્યું કે ઑનલાઇન જે પણ પેજ આરાધ્યાના નામ પર ચાલી રહ્યા છે, તે તેમના પરિવારે બનાવ્યા નથી કે તે ચલાવતા પણ નથી.
આ સમાચાર પણ વાંચો : Rahul Bose: અભિનેતા રાહુલ બોસ પર લાગ્યો છેતરપિંડીનો આરોપ,પોલીસે કેસ નોંધીને તપાસ શરૂ કરી, જાણો શું છે સમગ્ર મામલો
આરાધ્યા સોશિયલ મીડિયા પર નથી
ઐશ્વર્યાએ ચાહકોનો આભાર માન્યો, પરંતુ સ્પષ્ટ કહ્યું કે આમાંથી કોઈ પણ એકાઉન્ટ તેની પુત્રીનું નથી.ઐશ્વર્યા એ કહ્યું “જે વસ્તુઓ બહાર દેખાય છે, ક્યારેક લોકો માની લે છે કે તે આરાધ્યાની છે, પરંતુ એવું નથી. કોઈ ચાહક હશે જેણે તે એકાઉન્ટ બનાવ્યું છે. કદાચ તેમના (આરાધ્યા), અમારા પરિવાર, મારા પ્રત્યેના પ્રેમથી આવું કર્યું હશે. તે માટે આભાર, પરંતુ તે એકાઉન્ટ તેના નથી. આરાધ્યા સોશિયલ મીડિયા પર નથી.”ઐશ્વર્યા પોતે પણ આ પ્લેટફોર્મનો ઉપયોગ મોટાભાગે પ્રોફેશનલ કામ, બ્રાન્ડ્સ અને સહયોગ માટે જ કરે છે.
ડિજિટલ દુનિયાના વધતા પ્રભાવ પર ચિંતા વ્યક્ત કરતાં ઐશ્વર્યા રાય બચ્ચને લોકોને સલાહ આપી હતી કે ઓનલાઇન વિશ્વના ઘોંઘાટથી દૂર રહેવું જરૂરી છે. તેમણે કહ્યું કે “ઘોંઘાટને બંધ કરવો જરૂરી છે. તે સમજવું જરૂરી છે કે સોશિયલ મીડિયા તમારા જીવનનો અસલી આધાર નથી. જો તમે તમારી જાતને તેમાં ખોવાઈ ગયેલા જુઓ, તો બ્રેક લો, ડિટોક્સ કરો અને તમારી અસલી દુનિયામાં પાછા ફરો.” તેણે વાસ્તવિકતામાં રહેવા પર ભાર મૂક્યો અને કહ્યું કે “તમારી આસપાસના લોકો સાથે જોડાઓ, સામે બેઠેલી વ્યક્તિ સાથે વાત કરો. વચ્ચે ફોન ચલાવી દેવો અને સામેની વ્યક્તિથી કટ થઈ જવું ખોટું છે.” અંતમાં, તેણે મજાકિયા અંદાજમાં કહ્યું કે, “જો તમે મારી પોસ્ટ્સ નથી જોઈ રહ્યા, લાઇક નથી કરી રહ્યા, તો પણ ઠીક છે. મહેરબાની કરીને તમારી આસપાસના લોકો સાથે વાતચીત કરો, તે વધુ જરૂરી છે. હું હંમેશા તેને સપોર્ટ કરીશ, તેના બદલે કે તમે મારી પોસ્ટ્સ જોતા રહો.”
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
