News Continuous Bureau | Mumbai
Golmaal 5 Update: બોલિવૂડની સૌથી લોકપ્રિય કોમેડી સિરીઝ ‘ગોલમાલ’ ના પાંચમા ભાગની સત્તાવાર તૈયારીઓ શરૂ થઈ ગઈ છે. દિગ્દર્શક રોહિત શેટ્ટી આ વખતે ફિલ્મને બિલકુલ નવા ફ્લેવર સાથે રજૂ કરવા જઈ રહ્યા છે. અત્યાર સુધી ‘ગોલમાલ’ માત્ર કોમેડી અને કન્ફ્યુઝન માટે જાણીતી હતી, પરંતુ ‘ગોલમાલ 5’ માં પહેલીવાર ફેન્ટેસી તત્વો ઉમેરવામાં આવશે. સૌથી મોટો ટ્વિસ્ટ એ છે કે આ વખતે ફિલ્મમાં મુખ્ય વિલન તરીકે કોઈ પુરુષ નહીં પણ એક મહિલા વિલન જોવા મળશે. આ રોલ માટે હજુ કોઈ અભિનેત્રીનું નામ ફાઈનલ થયું નથી, પરંતુ તે બોલિવૂડનો મોટો ચહેરો હશે તે નક્કી છે.
આ સમાચાર પણ વાંચો : Drishyam 3 Update: વિજય સાલગાંવકરને પકડવા માટે હવે અક્ષય ખન્ના નહીં? દ્રશ્યમ 3 માં ડાયરેક્ટરે કર્યો એવો ફેરફાર કે અજય દેવગન પણ ચોંકી ગયો!
શરમન જોશીની ૧૯ વર્ષ બાદ વાપસી
ગોલમાલના પ્રથમ ભાગ (ગોલમાલ: ફન અનલિમિટેડ) માં મહત્વનો રોલ ભજવનાર શરમન જોશી લાંબા સમય બાદ આ ગેંગમાં પાછા ફરી રહ્યા છે. અજય દેવગણ (ગોપાલ), અર્શદ વારસી (માધવ), તુષાર કપૂર (લકી), શ્રેયસ તલપડે અને કુણાલ ખેમુની ટોળી ફરી એકવાર પ્રેક્ષકોને હસાવવા માટે તૈયાર છે. શરમન જોશીની એન્ટ્રીથી ચાહકોમાં ભારે ખુશી જોવા મળી રહી છે.: ફિલ્મમાં માત્ર મુખ્ય કલાકારો જ નહીં, પરંતુ જોની લીવર, સંજય મિશ્રા, મુકેશ તિવારી અને અશ્વિની કાલસેકર જેવા અનુભવી કલાકારો પણ પોતપોતાના આઇકોનિક અંદાજમાં નજરે પડશે. રોહિત શેટ્ટીએ આ વખતે સ્ક્રિપ્ટમાં એક ગેંગસ્ટર ટાઈપ કોમિક પાત્ર પણ રાખ્યું છે જે મનોરંજનમાં ચાર ચાંદ લગાવશે.
વર્ષ ૨૦૦૬માં શરૂ થયેલી આ ફ્રેન્ચાઈઝીની અત્યાર સુધીની ચારેય ફિલ્મો બોક્સ ઓફિસ પર બ્લોકબસ્ટર સાબિત થઈ છે. ‘ગોલમાલ અગેન’ માં હોરર કોમેડીનો પ્રયોગ સફળ થયા બાદ, હવે ‘ગોલમાલ 5’ માં ફેન્ટેસી અને મહિલા વિલનનો નવો પ્રયોગ રોહિત શેટ્ટી માટે કેટલો સફળ રહે છે તે જોવું રસપ્રદ રહેશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
