News Continuous Bureau | Mumbai
Sabeer Bhatia Review Dhurandhar: બોક્સ ઓફિસ પર રેકોર્ડતોડ કમાણી કરનારી રણવીર સિંહની મલ્ટીસ્ટારર ફિલ્મ ‘ધુરંધર’ ભલે ચાહકોને પસંદ આવી હોય, પરંતુ ટેક જગતના દિગ્ગજ અને હોટમેલના સ્થાપક સબીર ભાટિયા તેનાથી પ્રભાવિત થયા નથી. સબીર ભાટિયાએ એક વીડિયો પોસ્ટ કરીને આદિત્ય ધરના નિર્દેશનમાં બનેલી આ ફિલ્મની આકરી ટીકા કરી છે અને તેને સમાજ માટે નુકસાનકારક ગણાવી છે. સબીર ભાટિયાએ ફિલ્મને ‘ભાવનાત્મક આવેગથી ભરપૂર’ પરંતુ ‘ઊંડી સમજ વગરની’ ગણાવી છે. તેમણે કહ્યું કે, “મેં હમણાં જ ફિલ્મ ‘ધુરંધર’ જોઈ. તેમાં સનસનાટી અને ડ્રામા તો ભરપૂર છે, પરંતુ વિચાર અને સમજણ ક્યાં છે? આ ફિલ્મ માત્ર બદલા અને નફરતનો સંદેશ ફેલાવી રહી છે, જે ખરેખર ઘૃણાસ્પદ છે.” તેમણે ફિલ્મને ‘ઝીરો ક્રિએટિવિટી’ વાળો પ્રોજેક્ટ ગણાવીને ચાહકોને તેને ફગાવી દેવા અપીલ કરી છે.
આ સમાચાર પણ વાંચો : Dhurandhar 2: ધુરંધર 2 માં વિલનનો ધમાકો! રણવીર સિંહ સામે ‘બડે સાહબ’ બનીને આવશે આ સુપરસ્ટાર; જાણો કાસ્ટિંગ વિશેના લેટેસ્ટ અપડેટ
‘અમે નથી ઈચ્છતા કે આપણા બાળકો માત્ર..’
સબીર ભાટિયાએ યુવા પેઢી પર આ પ્રકારની ફિલ્મોની પડતી અસર અંગે ચિંતા વ્યક્ત કરી છે. તેમણે જણાવ્યું કે, “અમે નથી ઈચ્છતા કે આપણા બાળકો માત્ર લાગણીઓમાં વહીને પ્રતિક્રિયા આપે. અમે ઈચ્છીએ છીએ કે આવનારી પેઢી તાર્કિક રીતે વિચારે ” ભાટિયાના મતે આજકાલની ફિલ્મો પ્રેક્ષકોને માનસિક રીતે સશક્ત બનાવવાને બદલે તેમને નકારાત્મક રીતે ઉશ્કેરવા માટે તૈયાર કરવામાં આવી રહી છે.
View this post on Instagram
ફિલ્મની વાર્તા પર પ્રહાર કરતા સબીર ભાટિયાએ કહ્યું કે ‘ધુરંધર’માં નાની નાની બાબતોને નજરઅંદાજ કરીને આખા દેશો અને સંગઠનોને એક જ નજરિયાથી ખોટા બતાવવામાં આવ્યા છે. તેમણે ભારપૂર્વક કહ્યું કે, “લોકો સારા કે ખરાબ હોય છે, આખો દેશ ખરાબ હોતો નથી.” આવી વિચારસરણી ભવિષ્યમાં ખતરનાક માનસિકતાને પ્રોત્સાહન આપી શકે છે તેવું તેમનું માનવું છે.સબીર ભાટિયાની આ ટીકા પર હજુ સુધી ડાયરેક્ટર આદિત્ય ધર કે રણવીર સિંહની ટીમ તરફથી કોઈ સત્તાવાર નિવેદન આવ્યું નથી.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
