News Continuous Bureau | Mumbai
FIR Against Bhansali Production: સંજય લીલા ભણસાલી દ્વારા નિર્મિત ફિલ્મ ‘લવ એન્ડ વોર’ જે રણબીર કપૂર , આલિયા ભટ્ટ અને વિક્કી કૌશલ સ્ટારર છે, હવે કાનૂની વિવાદમાં ફસાઈ ગઈ છે. રાધા ફિલ્મ્સ એન્ડ હૉસ્પિટાલિટીના CEO એ ભણસાલી પ્રોડક્શન અને તેમના મેનેજર્સ સામે બીકાનેરમાં છેતરપિંડીની FIR નોંધાવી છે. તેઓએ આરોપ લગાવ્યો છે કે તેમની કંપનીને લાઇન પ્રોડ્યુસિંગ માટે બોલાવવામાં આવી હતી, પરંતુ પછી તેમને બિનજરૂરી રીતે બહાર કરી દેવામાં આવ્યા.
આ સમાચાર પણ વાંચો : Shahrukh-Rani: શાહરુખ ખાન અને રાની મુખર્જીનો ખાસ વીડિયો થયો વાયરલ, સાથે જ જોવા મળી આર્યન ખાન ની વેબ સિરીઝ ના પહેલા ગીત ની ઝલક
મૌખિક વચનથી કામ શરૂ કરાવ્યું, પછી રદ કર્યું
રાધા ફિલ્મ્સ એન્ડ હૉસ્પિટાલિટીના CEO એ જણાવ્યું કે નવેમ્બર 2024માં ભણસાલી પ્રોડક્શનના ઉત્કર્ષ બાલીએ તેમને ‘લવ એન્ડ વોર’ માટે લાઇન પ્રોડ્યુસિંગ કામ માટે સંપર્ક કર્યો હતો. તેમને મુંબઈ બોલાવવામાં આવ્યા અને મૌખિક વચન આપીને રાજસ્થાનમાં શૂટિંગ માટે તૈયારી કરવા કહ્યું. લેખિત કરાર માંગતા તેમને કહ્યું કે પછી આપશું. તેમને પોતાના ખર્ચે કામ શરૂ કર્યું, પરંતુ પછી એક ઈમેલ દ્વારા ટૂર રદ કરવાની જાણકારી આપવામાં આવી.
કેટલાક દિવસો બાદ CEOને ખબર પડી કે ભણસાલી પ્રોડક્શન તેમની જાણકારી વિના રાજસ્થાનમાં શૂટિંગ કરી ચૂક્યું છે અને બીજા લાઇન પ્રોડ્યુસર રાખી લીધા છે. જ્યારે તેઓ બીકાનેરમાં મુલાકાત કરવા ગયા ત્યારે ભણસાલી તરફથી યોગ્ય વ્યવહાર મળ્યો નહીં અને તેમને ધમકી પણ આપવામાં આવી. CEO એ આરોપ લગાવ્યો કે પોલીસ તેમની પહેલાની ફરિયાદ દબાવી રહી હતી, જેના કારણે તેમને કોર્ટનો સહારો લેવો પડ્યો. FIR બાદ સંજય લીલા ભણસાલી અથવા તેમના પ્રોડક્શન હાઉસ તરફથી હજુ સુધી કોઈ અધિકૃત નિવેદન આપવામાં આવ્યું નથી.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
