News Continuous Bureau | Mumbai
Mahavatar Casting Update: બોલિવૂડ અભિનેતા વિકી કૌશલની આગામી અને મોસ્ટ એન્ટિસિપેટેડ ફિલ્મ ‘મહાવતાર’ અત્યારે ચર્ચામાં છે. આ પૌરાણિક ફિલ્મમાં ભગવાન પરશુરામની ભૂમિકા વિકી કૌશલ ભજવવાનો છે. અગાઉ એવા અહેવાલો હતા કે દીપિકા પાદુકોણ આ ફિલ્મમાં મુખ્ય હિરોઈન તરીકે જોવા મળશે, પરંતુ લેટેસ્ટ રિપોર્ટ્સ મુજબ હવે દીપિકાને રિપ્લેસ કરવામાં આવી છે મીડિયા રિપોર્ટ મુજબ, મેડોક ફિલ્મ્સની બ્લોકબસ્ટર ફિલ્મ ‘સ્ત્રી ૨’ ની સફળતા બાદ મેકર્સ હવે આ રોલ માટે શ્રદ્ધા કપૂર સાથે વાતચીત કરી રહ્યા છે. શ્રદ્ધા કપૂર આ પાત્ર માટે એકદમ ફિટ હોવાનું મનાય છે, કારણ કે મેકર્સને એવી એક્ટ્રેસની જરૂર હતી જે સ્ટાર વેલ્યુની સાથે પાવરફુલ પ્રેઝન્સ ધરાવતી હોય.
આ સમાચાર પણ વાંચો : Jaya Bachchan Birthday: જ્યારે જયા બચ્ચન સ્ટાર હતા ત્યારે અમિતાભ કરી રહ્યા હતા સંઘર્ષ: માત્ર 15 વર્ષની ઉંમરે ડેબ્યૂ કરી મચાવી હતી ધૂમ
વિકી અને શ્રદ્ધાની ફ્રેશ જોડી
જો શ્રદ્ધા કપૂર આ ફિલ્મ સાઈન કરે છે, તો પ્રેક્ષકોને પડદા પર વિકી કૌશલ અને શ્રદ્ધા કપૂરની એકદમ ફ્રેશ જોડી જોવા મળશે. આ બંને કલાકારોએ અગાઉ ક્યારેય સાથે કામ કર્યું નથી. મેકર્સને વિશ્વાસ છે કે આ નવી જોડી દર્શકોને સિનેમાઘરો સુધી ખેંચી લાવવામાં સફળ રહેશે. જોકે, હજુ સુધી મેકર્સ કે શ્રદ્ધા તરફથી કોઈ સત્તાવાર જાહેરાત કરવામાં આવી નથી.
અમર કૌશિકના નિર્દેશનમાં બની રહેલી આ ફિલ્મ મેડોક ફિલ્મ્સનો અત્યાર સુધીનો સૌથી મોટો પ્રોજેક્ટ માનવામાં આવે છે. ફિલ્મનું શૂટિંગ જૂન ૨૦૨૬ પછી શરૂ થવાની શક્યતા છે. ફિલ્મ પર કામ ચાલી રહ્યું હોવાથી તેની રિલીઝ ડેટ ૨૦૨૭ સુધી લંબાઈ શકે છે. આ ફિલ્મમાં હાઈ-લેવલ VFX અને શાનદાર પ્રોડક્શન વેલ્યુ જોવા મળશે. રિપોર્ટ્સમાં એવું પણ કહેવામાં આવ્યું છે કે દીપિકા પાદુકોણ અત્યારે અન્ય મોટા પ્રોજેક્ટ્સ (જેમ કે એટલીની ‘રાકા’) માં વ્યસ્ત હોવાથી કદાચ ડેટ્સની સમસ્યા નડે તેવી શક્યતા હતી. બીજી તરફ, ‘સ્ત્રી ૨’ ની ૮૦૦ કરોડથી વધુની કમાણી બાદ શ્રદ્ધા કપૂરની લોકપ્રિયતા ચરમસીમાએ છે, જેનો લાભ મેકર્સ આ મોટી ફિલ્મમાં લેવા માંગે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
