ન્યુઝ કન્ટિન્યુઝ બ્યુરો
મુંબઈ, 20 નવેમ્બર, 2021
શનિવાર
રણબીર કપૂરની મોસ્ટ અવેટેડ ફિલ્મ 'એનિમલ'ની રિલીઝ ડેટ જાહેર થઈ ગઈ છે. સંદીપ રેડ્ડી વાંગા દ્વારા નિર્દેશિત, આ ફિલ્મ 11 ઓગસ્ટ, 2023 ના રોજ વિશ્વભરમાં રિલીઝ થશે . ફિલ્મની રિલીઝ ડેટ પહેલા દશેરા 2022 રાખવામાં આવી હતી પરંતુ હવે તેના શૂટિંગ અને પોસ્ટ પ્રોડક્શનમાં લાગેલા સમયને ધ્યાનમાં રાખીને તેની રિલીઝ ડેટ ઓગસ્ટ 2023 રાખવામાં આવી છે. આ ફિલ્મમાં રણબીર કપૂર ઉપરાંત અનિલ કપૂર, બોબી દેઓલ અને પરિણીતી ચોપરા પણ મુખ્ય ભૂમિકામાં છે. સંદીપ રેડ્ડી વાંગા અને રણબીર કપૂર આ ફિલ્મ દ્વારા પહેલીવાર સાથે આવ્યા છે. ક્રાઈમ ડ્રામા ફિલ્મ 'એનિમલ' ભૂષણ કુમાર અને કૃષ્ણ કુમારની ટી-સિરીઝ, પ્રણય રેડ્ડી વાંગાની ભદ્રકાલી પિક્ચર્સ અને મુરાદ ખેતાનીની સિને 1 સ્ટુડિયો દ્વારા બનાવવામાં આવી છે.
કહેવામાં આવી રહ્યું છે કે 'એનિમલ'માં પરિણીતી ચોપરા રણબીર કપૂરની પત્નીની ભૂમિકામાં જોવા મળશે જ્યારે અનિલ કપૂર રણબીરના પિતાના રોલમાં જોવા મળશે. જો ફિલ્મની વાર્તાની વાત કરીએ તો ચર્ચા છે કે આ એક એવી ગેંગસ્ટર ડ્રામા સ્ટોરી હશે, જે બોલિવૂડમાં હજુ સુધી બની નથી. આ ફિલ્મ એક જટિલ સંબંધોની મુશ્કેલીઓ પર આધારિત હશે અને એક સમય એવો આવશે જ્યારે તે મુખ્ય અભિનેતાને પ્રાણીની જેમ વર્તવા માટે મજબૂર કરશે.
રણબીર કપૂર-આલિયા ભટ્ટ પહેલાં સાત ફેરા લેશે આ લવ બર્ડ્સ; જાણો કઈ જગ્યાએ યોજાશે લગ્નના ફંક્શન
ફિલ્મ 'એનિમલ'નું દિગ્દર્શન કરનાર સંદીપ રેડ્ડી વાંગાએ 2017ની તેલુગુ બ્લોકબસ્ટર 'અર્જુન રેડ્ડી' અને પછી એ જ ફિલ્મની હિન્દી રિમેક 'કબીર સિંહ' નું નિર્દેશન કર્યું હતું. બીજી તરફ રણબીર કપૂરના વર્ક ફ્રન્ટની વાત કરીએ તો ફિલ્મ 'એનિમલ' સિવાય તે 'બ્રહ્માસ્ત્ર', 'શમશેરા' અને ડાયરેક્ટર લવ રંજનની એક ફિલ્મમાં જોવા મળશે. રણબીર કપૂર અને આલિયા ભટ્ટ પણ પોતાની પર્સનલ લાઈફને લઈને ચર્ચામાં છે. બંને લાંબા સમયથી એકબીજાને ડેટ કરી રહ્યા છે અને ચાહકો રાહ જોઈ રહ્યા છે કે ક્યારે બંને એકબીજા સાથે લગ્ન કરશે.
