News Continuous Bureau | Mumbai

 દર્શકો ને પડદા પર શ્રીદેવી નો ‘હવા હવાઈ’ અને ‘ધકધક ગર્લ’ માધુરી દીક્ષિતના ડાન્સની નવીનતા જોવા મળી હતી. આ વ્યક્તિને ભારતીય કોરિયોગ્રાફીની માતા તરીકે પણ ઓળખવામાં આવે છે. આ વ્યક્તિ બીજું કોઈ નહીં પણ લોકપ્રિય કોરિયોગ્રાફર સરોજ ખાન છે. સરોજ ખાનના કારણે બોલિવૂડ માં કોરિયોગ્રાફી ને નવી ઓળખ મળી. તેણે અનેક સુપરહિટ ગીતોને પોતાના હૂકસ્ટેપથી અમર બનાવ્યા છે. સરોજ ખાનની કારકિર્દી ખૂબ જ સુંદર અને સમૃદ્ધ હતી. સરોજ ખાન પોતાની પ્રોફેશનલ લાઈફ ઉપરાંત પોતાની પર્સનલ લાઈફ માટે પણ હેડલાઈન્સમાં રહેતી હતી. આજે અમે તમને તેમના જીવનની કેટલીક ખાસ વાતો જણાવવા જઈ રહ્યા છીએ.

સરોજ ખાન નું અસલી નામ હતું નિર્મલા નાગપાલ 

ફિલ્મ ઈન્ડસ્ટ્રીને તેના ઈશારે ડાન્સ કરાવનાર સરોજ ખાનનું અસલી નામ નિર્મલા નાગપાલ છે. તેમના પિતાનું નામ કિશનચંદ સાધુ સિંહ અને માતાનું નામ નોની સાધુ સિંહ છે. ભારત-પાકિસ્તાનના ભાગલા પછી સરોજ ખાન પોતાના પરિવાર સાથે પાકિસ્તાનથી ભારત આવી હતી. સરોજે માત્ર 3 વર્ષની ઉંમરે બાળ કલાકાર તરીકે તેની ફિલ્મી કરિયરની શરૂઆત કરી હતી. તેની પ્રથમ ફિલ્મ ‘નજરાના’ હતી જેમાં તેણે શ્યામા નામની છોકરીની ભૂમિકા ભજવી હતી.

આ સમાચાર પણ વાંચો: ક્યાં છે ‘સંસ્કારી બાબુજી’ આલોક નાથ? 5 વર્ષ પહેલા MeTooના આરોપો બાદ ગાયબ છે અભિનેતા

ડાન્સ માસ્ટર સાથે કર્યા હતા સરોજ ખાને લગ્ન 

કોરિયોગ્રાફર સરોજે બી સોહનલાલ પાસેથી ડાન્સની ટ્રેનિંગ લીધી હતી. આ દરમિયાન તે અને સોહનલાલ એકબીજાની નજીક આવ્યા. આ પછી સરોજે 43 વર્ષના સોહનલાલ સાથે લગ્ન કર્યા. તે સમયે સરોજ ખાન માત્ર 13 વર્ષની હતી. જ્યારે સરોજે સોહન લાલ સાથે લગ્ન કર્યા ત્યારે તેઓ પહેલેથી જ પરિણીત હતા. બંનેની ઉંમરમાં ઘણો તફાવત હતો. એકવાર સરોજ ખાને પોતાના લગ્નની વાત કરતા એક ઈન્ટરવ્યુમાં કહ્યું હતું કે, ‘હું તે દિવસોમાં સ્કૂલમાં ભણતી હતી. પછી એક દિવસ મારા ડાન્સ માસ્ટર સોહનલાલે મારા ગળામાં કાળો દોરો બાંધ્યો અને મારા લગ્ન થઈ ગયા. ત્યાં મેં મારી સ્વતંત્ર ઇચ્છાથી ઇસ્લામ કબૂલ કર્યો હતો.સરોજ ખાને એક ઈન્ટરવ્યુમાં જણાવ્યું કે લગ્ન સમયે તેને ખબર નહોતી કે બી. સોહનલાલ પહેલાથી જ પરિણીત છે. તેને આ વાતની જાણ વર્ષ 1963માં થઈ જ્યારે તેણે પુત્ર રાજુ ખાનને જન્મ આપ્યો. અને બીજું બાળક 8 મહિના પછી જ મૃત્યુ પામ્યું. સરોજ ખાને જણાવ્યું હતું કે તેમના પતિ સોહનલાલે તેમના બાળકોને નામ આપવાની ના પાડી હતી, જેના કારણે તેમની વચ્ચે અંતર આવી ગયું હતું. પણ થોડા વર્ષો પછી સોહનલાલ ને હાર્ટ એટેક આવ્યો ત્યારે સરોજ ફરી તેમની પાસે આવી. જે બાદ તેણે પુત્રી કુકુને જન્મ આપ્યો. સરોજે તેના બાળકોને એકલા હાથે ઉછેર્યા હતા.