News Continuous Bureau | Mumbai
Zubeen Garg passes away: બોલીવૂડ અને આસામના જાણીતા ગાયક અને સંગીતકાર જુબિન ગર્ગ હવે આ દુનિયામાં નથી રહ્યા. 52 વર્ષની ઉંમરે સિંગાપોર માં સ્કૂબા ડાઈવિંગ દરમિયાન થયેલી દુર્ઘટનામાં તેમનું અવસાન થયું છે. ‘ગેંગસ્ટર’ ફિલ્મના સુપરહિટ ગીત ‘યા અલી થી જુબિને દેશભરમાં ઓળખ મેળવી હતી. તેમના અવસાનના સમાચારથી સંગીત જગતમાં શોકની લાગણી ફેલાઈ છે.
આ સમાચાર પણ વાંચો : Aryan Khan Rumoured Girlfriend: ‘ધ બેડ્સ ઑફ બોલીવૂડ’ના પ્રીમિયર માં છવાઈ લારિસા બોનેસી, આર્યન ખાનની રૂમર્ડ ગર્લફ્રેન્ડ એ લૂંટી લાઈમલાઈટ
બાળપણથી સંગીતમાં રસ, માતા પાસેથી મળી પ્રેરણા
જુબિન ગર્ગનો જન્મ મેઘાલયના તુરા શહેરમાં આસામી બ્રાહ્મણ પરિવારમાં થયો હતો. તેમના પિતા મોહિની બોરઠાકુર મેજિસ્ટ્રેટ હતા અને માતા ઇલી બોરઠાકુર એક ગાયિકા હતી. માત્ર ત્રણ વર્ષની ઉંમરે જ જુબિને ગાવાનું શરૂ કર્યું હતું. તેમણે પંડિત રોબિન બેનર્જી પાસેથી 11 વર્ષ સુધી તબલા શીખ્યા અને ગુરુ રમણી રાય પાસેથી આસામી લોકસંગીતની તાલીમ લીધી.જુબિનનું મૂળ નામ જુબિન બોરઠાકુર હતું, પરંતુ 90ના દાયકામાં તેમણે પોતાનું સરનેમ બદલીને ‘ગર્ગ’ રાખી. 2006માં આવેલી ફિલ્મ ‘ગેંગસ્ટર’ના ગીત ‘યા અલી’થી તેમને બોલીવૂડમાં મોટી ઓળખ મળી. ત્યારબાદ તેમણે ‘સુબહ સુબહ’ અને ‘ક્યા રાજ હૈ’ જેવી ફિલ્મોમાં પણ અવાજ આપ્યો. જુબિને 40થી વધુ ભાષાઓમાં ગીતો ગાયા છે અને આસામના સૌથી વધુ કમાણી કરનારા ગાયક તરીકે પણ ઓળખાયા છે.
જુબિન ગર્ગે 2002માં આસામની ફેશન ડિઝાઇનર ગરિમા સૈકિયા સાથે લગ્ન કર્યા હતા. તેમનું નામ અનેક વખત વિવાદોમાં પણ આવ્યું છે. એક ઇવેન્ટ દરમિયાન શ્રીકૃષ્ણ વિશે આપેલા નિવેદનને કારણે મજુલિ જિલ્લા સત્ર મહાસભાએ તેમને બેન પણ કર્યો હતો. તેમ છતાં, સંગીત જગતમાં તેમનું યોગદાન અમૂલ્ય રહ્યું છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
