News Continuous Bureau | Mumbai
Sitaare Zameen Par OTT Release: આમિર ખાન અને જેનેલિયા દેશમુખ સ્ટારર ફિલ્મ ‘સિતારે ઝમીન પર’ હવે ડિજિટલ પ્લેટફોર્મ પર ધમાકેદાર એન્ટ્રી કરવા માટે તૈયાર છે. વર્ષ 2007ની સુપરહિટ ફિલ્મ ‘તારે ઝમીન પર’ની આ સ્પિરિચ્યુઅલ સિક્વલ ગણાય છે. રસપ્રદ વાત એ છે કે, શરૂઆતમાં આમિર ખાને આ ફિલ્મને ઓટીટી પર રિલીઝ ન કરવાની જાહેરાત કરી હતી અને તેને યુટ્યુબ પર ‘પે-પર-વ્યૂ’ મોડલ હેઠળ ઉપલબ્ધ કરાવી હતી. પરંતુ હવે સત્તાવાર રીતે આ ફિલ્મ સોની લિવ (SonyLIV) પર સ્ટ્રીમ કરવામાં આવશે.સોની લિવે તેના ઓફિશિયલ ઇન્સ્ટાગ્રામ પેજ પર ફિલ્મનો ટ્રેલર શેર કરીને આ જાહેરાત કરી છે. પ્લેટફોર્મે લખ્યું છે કે, “1 ટીંગુ બાસ્કેટબોલ કોચ અને 10 તોફાની સિતારાઓની સફર… સિતારે ઝમીન પર, જલ્દી જ સોની લિવ પર સ્ટ્રીમિંગ થશે.” જોકે, મેકર્સે હજુ સુધી તેની ચોક્કસ રિલીઝ ડેટ જાહેર કરી નથી, પરંતુ તે ટૂંક સમયમાં જ જોવા મળશે.
આ સમાચાર પણ વાંચો : Aishwarya Rai Abhishek Bachchan Dance Video: સલમાનના ગીત પર ઐશ્વર્યા-અભિષેકનો ડાન્સ; નીતા અંબાણી સાથેની આ જુગલબંધીએ ઈન્ટરનેટ પર મચાવી ધૂમ
શું છે ફિલ્મની વાર્તા?
આ ફિલ્મ ગુલશન અરોરા નામના એક સફળ બાસ્કેટબોલ કોચની વાર્તા છે, જેનું પાત્ર આમિર ખાને ભજવ્યું છે. જીવનમાં આવેલા એક વળાંક બાદ તેમને કોમ્યુનિટી સર્વિસની સજા તરીકે દિવ્યાંગ યુવા ખેલાડીઓની એક ટીમને ટ્રેનિંગ આપવાનું કામ સોંપવામાં આવે છે. શરૂઆતમાં ખચકાટ અનુભવતા કોચ ગુલશન ધીરે ધીરે આ બાળકોની તાકાત અને જીવન જીવવાનો અનોખો નજરિયો સમજે છે. ફિલ્મમાં રમતની સાથે સાથે માનવીય લાગણીઓ અને સંવેદનશીલતાને ખૂબ જ સુંદર રીતે વણી લેવામાં આવી છે.
View this post on Instagram
આ ફિલ્મનું નિર્દેશન આર. એસ. પ્રસન્નાએ કર્યું છે. ફિલ્મમાં આમિર ખાનની સાથે જેનેલિયા દેશમુખ મુખ્ય ભૂમિકામાં છે. આ ઉપરાંત આશિષ પેંડસે, અરોશ દત્તા, આયુષ ભંસાલી અને ઋષિ શાહની જેવા કલાકારોએ મહત્વના પાત્રો ભજવ્યા છે. આમિર ખાન પ્રોડક્શન હેઠળ બનેલી આ ફિલ્મ સમાજને એક નવો મેસેજ આપવાનું કામ કરે છે કે દરેક વ્યક્તિમાં કંઈક ખાસ હોય છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
