News Continuous Bureau | Mumbai
Ghooskhor Pandat Title Controversy: મનોજ બાજપેયી સ્ટારર ફિલ્મ ‘ઘૂસખોર પંડત’ને લઈને છેલ્લા કેટલાક સમયથી ચાલી રહેલા વિવાદનો હવે અંત આવ્યો છે. બ્રાહ્મણ સમાજ અને અન્ય સંગઠનોની ટીકાઓ બાદ ફિલ્મમેકર્સે આ વિવાદિત ટાઇટલ પાછું ખેંચી લીધું છે. સુપ્રીમ કોર્ટના જસ્ટિસ નાગરત્નાએ મેકર્સના આ સકારાત્મક વલણની પ્રશંસા કરી હતી અને જણાવ્યું હતું કે ‘પંડિત’ શબ્દને ‘ઘૂસખોર’ સાથે જોડવાથી સમાજમાં ખોટો સંદેશ જઈ શકે છે, જે સમજ્યા બાદ મેકર્સે નામ બદલવાનો નિર્ણય લીધો છે.ફિલ્મ નિર્માતા વતી હાજર રહેલા વરિષ્ઠ વકીલ એ કોર્ટમાં ખાતરી આપી હતી કે નવું ટાઇટલ જૂના વિવાદિત નામ જેવું બિલકુલ નહીં હોય.
આ સમાચાર પણ વાંચો : Salim Khan Health Update : સલીમ ખાન હેલ્થ અપડેટ: જાણો કેમ હોસ્પિટલ જવું પડ્યું અને હવે કેવી છે તેમની હાલત?
કોર્ટમાં શું થઈ દલીલો?
મેકર્સ તરફથી દલીલ કરવામાં આવી હતી કે આ એક ક્રાઈમ ડ્રામા છે જેમાં એક ભ્રષ્ટ પોલીસ અધિકારી કેવી રીતે સારો અધિકારી બને છે તેની સફર બતાવવામાં આવી છે. ‘પંડત’ શબ્દ માત્ર મુખ્ય પાત્રનું નીકનેમ હતું. જોકે, અરજદારોએ એવી માંગણી કરી હતી કે માત્ર ટાઇટલ જ નહીં, પણ ફિલ્મની અંદર પણ કોઈ સમુદાયને બદનામ કરતું કન્ટેન્ટ ન હોવું જોઈએ. કોર્ટે નોંધ્યું કે ફિલ્મ હજુ એડિટિંગ સ્ટેજ પર છે અને મેકર્સના સોગંદનામા બાદ હવે આ વિવાદને આગળ વધારવાની જરૂર નથી.
આ ફિલ્મમાં મનોજ બાજપેયી ‘અજય દીક્ષિત’ નામના એક ભ્રષ્ટ પોલીસ ઓફિસરની ભૂમિકામાં જોવા મળશે. આ ફિલ્મનું લેખન નીરજ પાંડેએ કર્યું છે અને દિગ્દર્શન રીતેશ શાહે કર્યું છે. મનોજ બાજપેયી ઉપરાંત ફિલ્મમાં નુશરત ભરુચા, સાકિબ સલીમ અને કીકુ શારદા જેવા કલાકારો મુખ્ય ભૂમિકામાં જોવા મળશે.નિર્માતાઓએ હજુ નવું નામ ફાઈનલ કર્યું નથી, પરંતુ તેમણે કોર્ટમાં વચન આપ્યું છે કે તેઓ ટૂંક સમયમાં નવા અને બિન-વિવાદિત ટાઇટલ સાથે ફિલ્મની જાહેરાત કરશે. આ નિર્ણયથી નિર્માતાઓને હવે ફિલ્મના રિલીઝ માટેનો માર્ગ મોકળો થયો છે અને વિવિધ ઠેકાણે થઈ રહેલી એફઆઈઆર (FIR) અને કાનૂની ગૂંચવણોમાંથી પણ રાહત મળશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
