News Continuous Bureau | Mumbai
તારક મહેતા કા ઉલ્ટા ચશ્માનું(Tarak Mehta Ka ooltah Chashma) પ્રિય પાત્ર દયાબેન(Dayaben) છેલ્લા 3 વર્ષથી શોમાંથી ગાયબ છે. આ શોના ચાહકો હજુ પણ અભિનેત્રી દિશા વાકાણીની(Disha Vakani) વાપસીની રાહ જોઈ રહ્યા છે, જેણે પોતાના પહેલા બાળકના જન્મથી શોમાંથી બ્રેક લીધો હતો. તો હવે આ શોના ચાહકો માટે રાહતના સમાચાર છે. મીડિયા રિપોર્ટ્સ અનુસાર, ટૂંક સમયમાં જ દિશા વાકાણી દ્વારા આ શોમાં ફરીથી દયાબેનના પાત્રને જોવાની તક મળી શકે છે.
અહેવાલો અનુસાર, નિર્માતાઓ શોના દયાબેનના પાત્ર દિશા વાકાણીને ફરી એકવાર પરત લાવવા માટે તેની સાથે વાતચીતમાં વ્યસ્ત છે. એક મીડિયા રિપોર્ટ અનુસાર, શો સાથે જોડાયેલા એક સૂત્રએ જણાવ્યું છે કે તારક મહેતાની ટીમે દયાબેનના પાત્રને પરત લાવવા માટે દિશાનો સંપર્ક કર્યો છે. અને જો બધુ બરાબર હશે, તો દિશા વાકાણી નવેમ્બર મહિનામાં શોમાં પરત ફરે તેવી અપેક્ષા છે.હાલમાં, એવી કોઈ માહિતી સામે આવી નથી કે શોમાં વાપસીને લઈને દિશાનો શું નિર્ણય છે? પરંતુ સોર્સના જણાવ્યા અનુસાર, લેટેસ્ટ અપડેટ(Latest update) એ છે કે જો દિશા શોમાં પરત નહીં ફરે તો ટૂંક સમયમાં તેની જગ્યાએ કોઈ નવી અભિનેત્રીને લઈ શકાય છે. તમને જણાવી દઈએ કે શોના ફેન્સની સાથે મેકર્સ પણ લાંબા સમયથી શોમાં દિશાની વાપસીની રાહ જોઈ રહ્યા છે.
શોમાં જૂના પાત્રોને બદલવાના સમાચાર ટીવી ચાહકોમાં(TV fans) પહેલેથી જ ચર્ચામાં છે. હાલમાં જ આ શોમાં શૈલેષ લોઢાની(Shailesh Lodha) જગ્યાએ સચિન શ્રોફને(Sachin Shroff) કાસ્ટ કરવામાં આવ્યો છે. સચિન આ શોમાં તારક મહેતાનું પાત્ર ભજવતો જોવા મળે છે. સચિનની વાપસી અંગે જૂના તારક મહેતાનું પાત્ર ભજવી રહેલા શૈલેષે તાજેતરમાં એક એવી પોસ્ટ કરી છે જે વાંચીને એવું લાગે છે કે તેણે તેના નિર્ણય પર શોના નિર્માતાઓની મજાક ઉડાવી છે.
