News Continuous Bureau | Mumbai
ટીવીનો પ્રખ્યાત કોમેડી શો ‘તારક મહેતા કા ઉલ્ટા ચશ્મા’ છેલ્લા 15 વર્ષથી દર્શકોનું મનોરંજન કરી રહ્યો છે. દરેક ઉંમરના લોકો આ શો જોવાનું પસંદ કરે છે. તે જ સમયે, શોના કલાકારો પણ દર્શકો સાથે એક ખાસ બોન્ડ શેર કરે છે. લોકો શોના કલાકારોને તેમના વાસ્તવિક નામથી ઓછા અને તેમના રીલ લાઈફના નામથી વધુ ઓળખે છે, પરંતુ લાંબા સમયથી એક પછી એક કલાકાર શોને અલવિદા કહેતા જોવા મળે છે. તાજેતરમાં જ મિસિસ સોઢીની ભૂમિકા ભજવનાર અભિનેત્રી જેનિફર મિસ્ત્રીએ પણ શો છોડી દીધો હતો. શોને અલવિદા કર્યા બાદ અભિનેત્રી જેનિફર મિસ્ત્રીએ શોના નિર્માતા અસિત મોદી પર જાતીય સતામણીનો આરોપ લગાવ્યો હતો. અભિનેત્રીના આ નિવેદન પર અસિત મોદી અને તેમની ટીમે પણ પ્રતિક્રિયા આપી હતી. જેનિફર મિસ્ત્રીએ ફરી એકવાર શો વિશે ઘણા ચોંકાવનારા ખુલાસા કર્યા છે. અભિનેત્રીના કહેવા પ્રમાણે, નિર્માતા કલાકારો સાથે ખરાબ વાત કરે છે અને તેમની ફી પણ સમયસર ચૂકવતા નથી.
જેનિફર મિસ્ત્રીએ કહી આ વાત
તાજેતરના એક ઈન્ટરવ્યુમાં જેનિફર મિસ્ત્રીએ માત્ર અસિત મોદી જ નહીં પરંતુ શોના ઓપરેશન હેડ સોહેલ રામાણી અને શોના એક્ઝિક્યુટિવ પ્રોડ્યુસર જતીન બજાજ પર પણ નિશાન સાધ્યું છે. જેનિફરે કહ્યું કે મહિના ના પાંચ દિવસ પછી પણ પેમેન્ટ ન આવ્યું ત્યારે મેં સોહેલને ફોન કરીને તેના વિશે પૂછ્યું તો તેણે કહ્યું કે તમે અત્યારે ફોન કર્યો છે તો 2-3 કલાકમાં પેમેન્ટ આવી જશે. બીજી તરફ જ્યારે મેં પેમેન્ટ રોકવાનું કારણ પૂછ્યું તો તેણે કહ્યું કે તે પ્રોડ્યુસર્સ સાથે આવી રીતે વાત ના કરી શકે.. નિર્માતા હંમેશા મોટો હોય છે અને અભિનેતા નાનો હોય છે. આ સિવાય કલાકારોને સેટ પર માનસિક રીતે ખૂબ ટોર્ચર કરવામાં આવે છે. એકવાર મારે પાસપોર્ટ સંબંધિત કામ માટે પાસપોર્ટ ઓફિસ જવાનું થયું. આ માટે મેં 3 કલાકની રજા લીધી હતી. પરંતુ આ માટે મારી સાથે યોગ્ય રીતે વાત કરવામાં આવી ન હતી, આ ઉપરાંત મારો અડધા દિવસનો પગાર પણ કાપી લેવામાં આવ્યો હતો. શોના એક્ઝિક્યુટિવ પ્રોડ્યુસર જતીન બજાજ વિશે પણ અભિનેત્રીએ કહ્યું કે તે ક્યારેય યોગ્ય રીતે બોલતો નહોતો.
અસિત મોદીએ આપી હતી પ્રતિક્રિયા
તમને જણાવી દઈએ કે જેનિફર પર યૌન શોષણનો આરોપ લાગ્યા બાદ આસિત મોદીએ મીડિયા સાથે વાત કરતા કહ્યું હતું કે ‘તે મને અને શો બંનેને બદનામ કરવાનો પ્રયાસ કરી રહી છે, અમે તેની સામે કાયદેસરની કાર્યવાહી કરીશું, કારણ કે અમે તેનો કોન્ટ્રાક્ટ રદ કરી દીધો છે’. તે શા માટે અમારા પર આવા પાયાવિહોણા આરોપો લગાવી રહી છે.
