News Continuous Bureau | Mumbai
Madhura naik: પેલેસ્ટિનિયન આતંકવાદી સંગઠન હમાસ દ્વારા ઈઝરાયેલ પરના હુમલાથી સમગ્ર વિશ્વમાં ખળભળાટ મચી ગયો છે. આ હુમલા માં સેંકડો નિર્દોષ લોકોએ જીવ ગુમાવ્યા છે. સોશિયલ મીડિયા પર યુદ્ધના ઘણા હૃદયદ્રાવક વીડિયો સામે આવી રહ્યા છે. આ દરમિયાન, ઇઝરાયેલ પર પેલેસ્ટિનિયન યુદ્ધ સાથે જોડાયેલા આવા વધુ એક સમાચાર સામે આવી રહ્યા છે સમાચાર છે કે ટીવી ઈન્ડસ્ટ્રીની નાગિન ફેમ મધુરા નાયક ના સંબંધીઓની પણ હમાસના આતંકવાદીઓ દ્વારા હત્યા કરવામાં આવી છે.
મધુરા એ શેર કર્યો વિડીયો
મધુરા નાયકે પોતે એક વીડિયો શેર કરીને આ જાણકારી આપી છે. વીડિયોમાં તેણે કહ્યું છે કે તેણે ઈઝરાયેલ-હમાસ યુદ્ધમાં પોતાના પરિવારના સભ્યો ગુમાવ્યા છે. વિડિયોમાં અભિનેત્રી પોતાના પરિવારને ગુમાવવાનું દર્દ સંભળાવી રહી છે અને કહી રહી છે – ‘હું મધુરા નાયક છું, ભારતમાં જન્મેલી યહૂદી છું. ભારતમાં આપણામાંથી માત્ર 3000 છે. 7 ઓક્ટોબર પહેલા અમે અમારા પરિવારમાંથી એક પુત્રી અને એક પુત્ર ગુમાવ્યો હતો. મારી બહેન ઓદયા અને તેના પતિની હત્યા કરવામાં આવી હતી, તે પણ તેમના બે બાળકોની સામે. વધુમાં મધુરા નાયક કહે છે કે આ સમયે મારો પરિવાર જે દર્દ અને વેદનાનો સામનો કરી રહ્યો છે તે હું શબ્દોમાં વ્યક્ત કરી શકતી નથી.આજે ઈઝરાયેલ પીડામાં છે, હમાસની આગમાં બાળકો, મહિલાઓ અને વૃદ્ધો સળગી રહ્યા છે.
View this post on Instagram
ઇઝરાયેલ હમાસ યુદ્ધ
તમને જણાવી દઈએ કે 7 ઓક્ટોબરની સવારે હમાસે ઈઝરાયેલ પર હુમલો કર્યો હતો, જેમાં સેંકડો લોકોએ જીવ ગુમાવ્યા હતા. મીડિયા રિપોર્ટ્સ અનુસાર, ઈઝરાયેલમાં આ દર્દનાક હુમલાઓમાં અત્યાર સુધીમાં લગભગ 900 લોકોએ જીવ ગુમાવ્યા છે. તે જ સમયે, ઇઝરાયેલ પર હમાસના હુમલા પછી, ઇઝરાયેલે જોરદાર જવાબ આપ્યો છે.
આ સમાચાર પણ વાંચો: shahrukh khan: શાહરુખ ખાન નો જીવ જોખમ માં! ધમકી મળ્યા બાદ મહારાષ્ટ્ર સરકારે કિંગ ખાન ને પુરી પાડી આ કેટેગરીની સુરક્ષા,જાણો સમગ્ર મામલો
