News Continuous Bureau | Mumbai
Vijay and Rashmika : સાઉથ ફિલ્મ ઇન્ડસ્ટ્રીના સૌથી ચર્ચિત કપલ વિજય દેવરકોંડા અને રશ્મિકા મંદાના ના લગ્નની ચર્ચાઓ હવે તેજ થઈ ગઈ છે. લેટેસ્ટ રિપોર્ટ્સ અનુસાર, આ જોડી આ વર્ષે ફેબ્રુઆરીના અંત સુધીમાં લગ્નના બંધનમાં બંધાઈ શકે છે. 26 ફેબ્રુઆરીએ ઉદયપુરના એક આલીશાન મહેલમાં ખાનગી રીતે લગ્ન યોજાશે, જેમાં માત્ર નજીકના પરિવારજનો અને મિત્રો જ હાજર રહેશે. લગ્ન બાદ આ કપલ હૈદરાબાદમાં એક ભવ્ય રિસેપ્શન આપવાની તૈયારીમાં છે. અહેવાલો મુજબ, 4 માર્ચે હૈદરાબાદના એક મોટા કન્વેન્શન સેન્ટરમાં આ કાર્યક્રમ યોજાશે, જેમાં સાઉથ ઇન્ડસ્ટ્રીના મોટા સ્ટાર્સ અને બોલિવૂડના પસંદગીના કલાકારોને આમંત્રણ આપવામાં આવ્યું છે. વિજયે પોતે તેલંગાણાના સીએમ રેવંત રેડ્ડીને લગ્નનું આમંત્રણ આપ્યું હોવાનું પણ જાણવા મળ્યું છે.
આ સમાચાર પણ વાંચો : O Romeo Release Day Updates: થિયેટરોમાં શાહિદ કપૂરનો જાદુ! ‘ઓ રોમિયો’ ને મળ્યો જબરદસ્ત પ્રતિસાદ, એડલ્ટ સર્ટિફિકેટ છતાં રોમેન્ટિક સીન્સે મચાવી ધૂમ; જાણો ઓપનિંગ ડે રિપોર્ટ
60 કરોડની મસમોટી ઓફરને મારી લાત
વિજય અને રશ્મિકાએ પોતાના લગ્નને સંપૂર્ણપણે ખાનગી રાખવાનો નિર્ણય લીધો છે. રિપોર્ટ્સ અનુસાર, એક મોટા સ્ટ્રીમિંગ પ્લેટફોર્મે લગ્નના એક્સક્લુઝિવ રાઈટ્સ માટે 60 કરોડ રૂપિયાની ઓફર કરી હતી. જોકે, આ કપલે આ ઓફરને ઠુકરાવી દીધી છે કારણ કે તેઓ આ ખાસ ક્ષણોને માત્ર અંગત રાખવા માંગે છે. એવી ચર્ચાઓ છે કે વિજય અને રશ્મિકાએ ઓક્ટોબર 2025 માં ખૂબ જ શાંતિથી સગાઈ કરી લીધી હતી, જોકે તેમણે હજુ સુધી સત્તાવાર રીતે આ અંગે કોઈ પુષ્ટિ કરી નથી. ઉદયપુરમાં લગ્નની થીમ અને સજાવટને અત્યંત ગુપ્ત રાખવામાં આવી છે. મહેલને શાહી અંદાજમાં સજાવવામાં આવી રહ્યો છે અને મહેમાનોની યાદીમાં સંદીપ રેડ્ડી વાંગા જેવા નજીકના મિત્રોના નામ પણ સામેલ છે.
View this post on Instagram
ફિલ્મી કરિયરની વાત કરીએ તો, વિજય દેવરકોંડા છેલ્લે ફિલ્મ ‘કિંગડમ’ માં જોવા મળ્યો હતો, જેને મિશ્ર પ્રતિસાદ મળ્યો હતો. બીજી તરફ, રશ્મિકા મંદાનાની છેલ્લી ફિલ્મ ‘ધ ગર્લફ્રેન્ડ’ હતી. લગ્નના આ સમાચાર બાદ ચાહકો સોશિયલ મીડિયા પર આ જોડીને અભિનંદન આપી રહ્યા છે અને લગ્નની તસવીરોની આતુરતાથી રાહ જોઈ રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
