News Continuous Bureau | Mumbai
Vijay Rashmika Wedding:ટોલીવુડનું સૌથી ચર્ચિત કપલ વિજય દેવરકોંડા અને રશ્મિકા મંદાના ફરી એકવાર પોતાની પર્સનલ લાઈફને લઈને ચર્ચામાં છે. છેલ્લા ઘણા સમયથી બંનેના અફેરની ચર્ચાઓ વચ્ચે હવે સોશિયલ મીડિયા પર એક વેડિંગ કાર્ડ વાયરલ થઈ રહ્યું છે, જે મુજબ આ જોડી આગામી ૨૬ ફેબ્રુઆરીએ લગ્નના બંધનમાં બંધાવા જઈ રહી છે.જોકે, વિજય કે રશ્મિકા તરફથી હજુ સુધી આ બાબતે કોઈ સત્તાવાર નિવેદન આવ્યું નથી, પરંતુ વાયરલ થયેલા કાર્ડમાં લગ્નથી લઈને રિસેપ્શન સુધીની તમામ વિગતો આપવામાં આવી છે. તાજેતરમાં જ બંને મુંબઈ એરપોર્ટ પર એક જ કારમાં જોવા મળ્યા હતા, જેનાથી આ અટકળોને વધુ બળ મળ્યું છે.
આ સમાચાર પણ વાંચો : Rashmika and Vijay Wedding:Netflix નો મોટો દાવ! રશ્મિકા-વિજયના લગ્નના લાઈવ સ્ટ્રીમિંગ માટે 60 કરોડની ઓફર, કપલનો જવાબ વાયરલ
કઈ તારીખે છે લગ્ન અને રિસેપ્શન?
વાયરલ કાર્ડ મુજબ, વિજય અને રશ્મિકા ૨૬ ફેબ્રુઆરી, ૨૦2૬ ના રોજ એક નાનકડી અને ખાનગી સેરેમનીમાં લગ્ન કરશે. ત્યારબાદ, ૪ માર્ચ ૨૦૨૬ ના રોજ હૈદરાબાદની પ્રતિષ્ઠિત હોટલ ‘તાજ ક્રિષ્ના’, બંજારા હિલ્સ ખાતે સાંજે ૭:૦૦ વાગ્યે એક ભવ્ય વેડિંગ રિસેપ્શનનું આયોજન કરવામાં આવ્યું છે, જેમાં સિનેમા જગતની મોટી હસ્તીઓ હાજર રહે તેવી શક્યતા છે.
View this post on Instagram
કથિત વેડિંગ કાર્ડમાં વિજય તરફથી એક ભાવુક સંદેશ લખવામાં આવ્યો છે: “હું એક ખાસ સમાચાર શેર કરવા અને તમને આ મોટી ક્ષણનો ભાગ બનાવવા માટે લખી રહ્યો છું. પરિવારોના પ્રેમ અને આશીર્વાદ સાથે, રશ્મિકા અને હું ૨૬.૦૨.૨૬ ના રોજ લગ્ન કરી રહ્યા છીએ. અમે આ નવા પ્રકરણની શરૂઆત કરી રહ્યા છીએ અને તમારી હાજરી આ અવસરને વધુ ખાસ બનાવશે.”અહેવાલો અનુસાર, આ કાર્ડ મીડિયા હાઉસિસને મોકલવામાં આવ્યું હોવાનો દાવો કરવામાં આવી રહ્યો છે. જોકે, બોલિવૂડ અને સાઉથ ઈન્ડસ્ટ્રીમાં ઘણીવાર આવા ફેક કાર્ડ્સ પણ વાયરલ થતા હોય છે. વિજયની ટીમે અગાઉ પુષ્ટિ કરી હતી કે તે લગ્ન કરવાનો છે, પરંતુ તારીખ જાહેર કરી નહોતી. હવે જોવાનું એ રહેશે કે વિજય કે રશ્મિકા પોતે ક્યારે આ ખુશખબરની સત્તાવાર જાહેરાત કરે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
