News Continuous Bureau | Mumbai

‘ViRosh’ Wedding: દક્ષિણ ભારતીય સિનેમાની સૌથી લોકપ્રિય જોડી વિજય દેવરકોંડા અને રશ્મિકા મંદાના ૨૬ ફેબ્રુઆરી ૨૦૨૬ના રોજ લગ્નના બંધનમાં બંધાવા જઈ રહ્યા છે. આ ખાસ પ્રસંગે વડાપ્રધાન નરેન્દ્ર મોદીએ આ જોડીને ભાવુક અંદાજમાં પત્ર લખીને લગ્નની શુભકામનાઓ પાઠવી છે. હૈદરાબાદથી મળેલી માહિતી મુજબ, વડાપ્રધાને વિજયના માતા-પિતાને આ પત્ર મોકલ્યો છે.  પોતાના પત્રમાં વડાપ્રધાને વિજય અને રશ્મિકાના જીવનના આ નવા અને સુંદર પ્રકરણ માટે ખુશી વ્યક્ત કરી છે. તેમણે લખ્યું કે, “સાત ફેરા લઈને બંને જીવનભરના મિત્રો બનશે. વિજય અને રશ્મિકા ફિલ્મોની સ્ક્રિપ્ટથી તો પરિચિત છે જ, પરંતુ તેમની અસલી જિંદગીની આ વાર્તા મોટા પડદાના જાદુ કરતા પણ વધુ ખાસ હશે, જે ભગવાને પોતે લખી છે.” વડાપ્રધાને બંનેના આવનારા વર્ષો ખુશીઓથી ભરેલા રહે તેવી કામના કરી છે.

આ સમાચાર પણ વાંચો : DON 3 Legal War:‘ડોન 3 ના સેટ પરથી કોર્ટ સુધી પહોંચ્યો મામલો! ૪૦ કરોડ મુદ્દે ફરહાન અને રણવીર વચ્ચે આરપારની લડાઈ; જાણો શું છે વિવાદ

ઉદયપુરમાં થશે શાહી લગ્ન

વિજય અને રશ્મિકાની આ શાહી લગ્નવિધિ ઉદયપુરના આલીશાન હોટેલ ‘મેમેન્ટોસ બાય આઈટીસી હોટેલ્સ એકાયા’  માં યોજાવાની છે. લગ્નને અત્યંત ખાનગી રાખવામાં આવ્યા છે, જેમાં માત્ર નજીકના પરિવારજનો અને મિત્રો જ હાજરી આપશે. ગત રવિવારે જ આ કપલે સોશિયલ મીડિયા પર પોતાના લગ્નની સત્તાવાર જાહેરાત કરી હતી અને ફેન્સ દ્વારા આપવામાં આવેલા ‘વિરોશ’ (ViRosh) નામને પ્રેમથી સ્વીકાર્યું હતું.

Prime Minister @narendramodi extends wedding wishes to #VijayDevarakonda and #Rashmika pic.twitter.com/js86Nt8nih

— greatandhra (@greatandhranews) February 25, 2026

 સોશિયલ મીડિયા પર હાલમાં વિજય અને રશ્મિકાના લગ્નના ફોટા અને વીડિયો સતત વાયરલ થઈ રહ્યા છે. ‘ધ વેડિંગ ઓફ વિરોશ’ ના નામથી ઓળખાતા આ લગ્નના સંગીત સેરેમનીના વીડિયોમાં બંનેની લવ સ્ટોરી તસવીરો દ્વારા દર્શાવવામાં આવી હતી. રશ્મિકા અને વિજયની જોડીને ફેન્સ તરફથી અઢળક પ્રેમ મળી રહ્યો છે અને હવે વડાપ્રધાનની શુભેચ્છાએ આ પ્રસંગમાં ચાર ચાંદ લગાવી દીધા છે.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)