News Continuous Bureau | Mumbai
BBC Documentary Controversy: બ્રિટનની મીડિયા કંપની બીબીસીએ થોડા સમય પૂર્વે ગુજરાતના 2002ના રમખાણો પર એક ડોક્યુમેન્ટ્રી તૈયાર કરી તેનો પ્રથમ ભાગ પ્રદર્શિત કર્યો હતો. ભારત સહિત વિશ્વના અનેક દેશોમાં આ ડોક્યુમેન્ટ્રી પ્રસારિત થતાં વિવાદ થયો છે. આ ડોક્યુમેન્ટરીને લઈને બ્રિટનમાં રહેતા ભારતીય મૂળના લોકોમાં ભારે નારાજગી જોવા મળી રહી છે. લોકો તેને મોટા ષડયંત્રનો ભાગ ગણાવી રહ્યા છે. બીબીસીના પ્રચાર અને ફેક ન્યૂઝ પર પણ સવાલો ઉઠાવ્યા છે.
મીડિયામાં પ્રકાશિત હવાલો મુજબ, ઈંગ્લેન્ડના હાઉસ ઓફ લોર્ડ્સના સભ્ય લોર્ડ રેમી રેન્જરે બીબીસીના વડાને પત્ર લખ્યો છે. જેમાં તેમણે વડાપ્રધાન નરેન્દ્ર મોદી પર બનેલી ડોક્યુમેન્ટ્રીની નિંદા કરી છે. તેમણે લખ્યું છે કે આ ડોક્યુમેન્ટરી એવા સમયે રિલીઝ કરવામાં આવી છે જ્યારે ભારત G-20 દેશોની અધ્યક્ષતા કરી રહ્યું છે, આ સિવાય બ્રિટનમાં પહેલીવાર ભારતીય મૂળના વડા પ્રધાનની પસંદગી કરવામાં આવી છે અને બ્રિટન અને ભારત મુક્ત વેપાર તરફ આગળ વધી રહ્યા છે. પીએમ મોદી પર ડોક્યુમેન્ટ્રી બનાવનારી ટીમમાં પાકિસ્તાની મૂળનો કોઈ કર્મચારી હતો કે કેમ તે સ્પષ્ટ કરવા માટે તેણે બીબીસી પાસેથી જવાબ માંગ્યો છે.
આ સમાચાર પણ વાંચો: PM Modi Turban: ગણતંત્ર દિવસે PMની પાઘડીએ ફરી જમાવ્યું આકર્ષણ, વસંત પંચમીથી પ્રેરિત આવી પાઘડીમાં જોવા મળ્યા મોદી. જુઓ ફોટોસ
PMએ પાકિસ્તાની હાથ પણ કહ્યું
વડાપ્રધાન નરેન્દ્ર મોદી પર બનેલી ડોક્યુમેન્ટ્રી ‘ઈન્ડિયાઃ ધ મોદી ક્વેશ્ચન’ ભારતમાં પ્રતિબંધિત કરવામાં આવી છે. આ ડોક્યુમેન્ટ્રી પર ભારત તરફથી બ્રિટન અને બીબીસી મેનેજમેન્ટ સામે વિરોધ નોંધાવવામાં આવ્યો છે. બ્રિટિશ વડા પ્રધાન ઋષિ સુનકે સ્પષ્ટતા કરી છે કે તેઓ પાકિસ્તાની મૂળના લેબર પાર્ટીના સાંસદ ઈમરાન હુસૈન દ્વારા ભ્રામક અને સંસ્થાનવાદથી પ્રેરિત BBC ડોક્યુમેન્ટ્રીમાં વડા પ્રધાન નરેન્દ્ર મોદીના ચિત્રણ સાથે અસંમત છે.
હવે સાંસદે લખ્યો પત્ર
યુકેના સંસદસભ્ય લોર્ડ રેમેય રેન્જરે બીબીસીને ‘ઈન્ડિયાઃ ધ મોદી ક્વેશ્ચન’ના પ્રસારણ પર પ્રતિબંધ મૂકવા કહ્યું છે. તેઓએ દાવો કર્યો છે કે તેનો બીજો ભાગ પરિસ્થિતિને વધુ ખરાબ કરશે, જે પહેલાથી જ ચિંતાજનક છે. બીબીસીની ડોક્યુમેન્ટરીએ ભારતને અસહિષ્ણુ દેશ તરીકે દર્શાવવાનો પ્રયાસ કરીને બ્રિટિશ હિંદુઓ અને મુસ્લિમો વચ્ચે દુશ્મનાવટ ઊભી કરી છે. જો કંઈ થયું હોત તો ત્યાંના મુસ્લિમો ઘણા સમય પહેલા દેશ છોડીને જતા રહ્યા હોત. જ્યારે સત્ય એ છે કે ભારતમાં મુસ્લિમોની વસ્તી પાકિસ્તાન કરતા વધુ છે.
