ન્યુઝ કન્ટિન્યુઝ બ્યુરો,
મુંબઈ, 18 ફેબ્રુઆરી 2022,
શુક્રવાર,
રશિયા અને યુક્રેન વચ્ચેનો તણાવ ચરમસીમાએ પહોંચી રહ્યો છે. યુક્રેનના ડોનબાસ વિસ્તારમાં રશિયાના હુમલાના સમાચાર પણ સામે આવ્યા છે. આવી સ્થિતિમાં અમેરિકાએ કહ્યું કે ભારત નિયમો આધારિત આંતરરાષ્ટ્રીય વ્યવસ્થા માટે પ્રતિબદ્ધ છે અને આશા વ્યક્ત કરી કે જાે રશિયા યુક્રેન પર આક્રમણ કરશે તો ભારત અમેરિકા ને સમર્થન આપશે.
વિદેશ મંત્રાલયના પ્રવક્તા નેડ પ્રાઈસે કહ્યું કે, ઓસ્ટ્રેલિયાના મેલબોર્ન શહેરમાં ચાર દેશોના વિદેશ મંત્રીઓ વચ્ચે તાજેતરમાં મળેલી બેઠકમાં રશિયા અને યુક્રેનના મુદ્દા પર ચર્ચા થઈ હતી. બેઠકમાં ભારત, ઓસ્ટ્રેલિયા જાપાન અને અમેરિકાના વિદેશ મંત્રીઓએ હાજરી આપી હતી. સ્ટેટ ડિપાર્ટમેન્ટના પ્રવક્તા નેડ પ્રાઈસે કહ્યું, બેઠકમાં એ વાત પર સહમતી થઈ હતી કે આ મામલાના રાજદ્વારી-શાંતિપૂર્ણ ઉકેલની જરૂર છે.
ક્વાડ નિયમો આધારિત આંતરરાષ્ટ્રીય વ્યવસ્થા જાળવવાની તરફેણમાં છે. પ્રવક્તાએ એક પ્રશ્નના જવાબમાં કહ્યું, નિયમો આધારિત સિસ્ટમ ઈન્ડો-પેસિફિક ક્ષેત્રમાં સમાન રીતે લાગુ પડે છે, પછી ભલે તે યુરોપમાં હોય કે અન્ય અમે જાણીએ છીએ કે અમારા ભારતીય ભાગીદાર નિયમો આધારિત આંતરરાષ્ટ્રીય વ્યવસ્થા માટે પ્રતિબદ્ધ છે.
દિલ્હી પોલીસ કમિશનર રાકેશ અસ્થાનાની મોટી જાહેરાત, આ વર્ષ સુધીમાં 25 ટકા મહિલા પોલીસકર્મીઓની થશે ભરતી
ભારત અને અન્ય પડોશીઓ સામે ચીનના આક્રમક વલણનો સીધો ઉલ્લેખ કરતા તેમણે કહ્યું કે, મોટા દેશો નાના દેશોને મુશ્કેલીમાં મૂકી શકતા નથી.દેશના લોકોને તેમની વિદેશ નીતિ, તેમના ભાગીદારો, જાેડાણ ભાગીદારો વગેરે પસંદ કરવાનો અધિકાર છે. આ સિદ્ધાંતો યુરોપની જેમ ઈન્ડો-પેસિફિક પ્રદેશમાં પણ સમાન રીતે લાગુ પડે છે.’ પ્રાઈસે જણાવ્યું હતું કે યુએસ સેક્રેટરી ઑફ સ્ટેટ એન્ટોની બ્લિંકન અને ભારતના સેક્રેટરી ઑફ સ્ટેટ એસ જયશંકરે સંરક્ષણ સંબંધિત મુદ્દાઓ પર ચર્ચા કરી હતી. રશિયન દળો સરહદ પર છે અને તેઓ યુદ્ધની સ્થિતિની જેમ તૈનાત કરી રહ્યા છે. આ ખૂબ જ ચિંતાનો વિષય છે.
